قازاقستاننىڭ بۇرىنعى پرەزيدەنتى نۇرسۇلتان نازاربايەۆتىڭ جيەن نەمەرەسى، قازاقستان پارلامەنتى سەناتىنىڭ قازىرگى سپيكەرى داريعا نازاربايەۆانىڭ ۇلى ايسۇلتان نازاربايەۆ الەمنىڭ كەز كەلگەن تەلەارناسىنا شىندىق ايتىپ بەرۋگە دايىن ەكەنىن جەتكىزدى. بۇل تۋرالى Facebook-تاعى پاراقشاسىندا جازىدى.
ونىڭ سوزىنشە، الەمدەگى بارلىق تەلەارنالاردىڭ كورەسەتىپ جاتقانى - قۇر يلليۋزيا.
"ادامدار، مەن وزىمە قانداي قاۋىپ-قاتەر تونسە دە، ءارقاشان شىندىقتى ايتتىم! مەن الەمنىڭ كەز كەلگەن تەلەارناسىنا الەمدە نە بولىپ جاتقانىن ايتىپ بەرۋگە جانە كورسەتۋگە دايىنمىن، ءبىراق ول الەمدەگى بارلىق مەملەكەتتىك تەلەارنالار كورسەتىپ جاتقان يلليۋزيا ەمەس. مەن ءبىزدىڭ وتباسىلىق ومىردە نە بولىپ جاتقانىن ايتىپ جاتقان جوقپىن. سيقىر نەمەسە ماگيا بۇل الەمدى جاۋلاپ الدى! ءسىز وسى تاقىرىپتا اڭگىمە ايتا باستاعاندا، ءسىزدى اقىماق سياقتى كورەدى، ءبىراق ماعان ءبارىبىر. مەن ناشاقورمىن عوي)
ماعان بۇرىن بارلىق سيقىرشىلاردى ورتەگەنى ولار ءۇشىن جازا بولىپ سانالعانى تۇسىنىكسىز. ءبىراق ءقازىر ءبىز بۇل تۋرالى ايتۋعا قورقامىز، ويتكەنى ءبىزدى پسيحيكالىق اۋرۋحانادا جابادى. قۇداي ماعان ادامزات بۇدان باس تارتپسا، بۇل الەمنىڭ جويىلاتىنىن ايتۋدى تاپسىردى" دەپ جازدى ايسۇلتان راحات.
ايسۇلتان راحات - قازاقستاننىڭ بۇرىنعى پرەزيدەنتى نۇرسۇلتان نازاربايەۆتىڭ ۇلكەن قىزى، ءقازىر قازاقستان پارلامەنتى سەناتىنىڭ ءتورايىمى بولىپ وتىرعان داريعا نازاربايەۆا مەن 2015 جىلى اۆستريا تۇرمەسىندە جۇمباق جاعدايدا (اباقتىنىڭ ءبىر كىسىلىك كامەراسىندا اسىلعان كۇيى تابىلعان) ولگەن راحات الييەۆتىڭ ەكىنشى ۇلى.
2019 جىلى قازاننىڭ 18ء-ى كۇنى لوندون سوتى ايسۇلتان راحاتقا ءبىر جىل شارتتى جازا كەستى. ۇلىبرينتانياداعى باق-تاردىڭ حابارلاۋىنشا، ايسۇلتان نازاربايەۆ بيىلعى ماۋسىم ايىندا بريتان پوليسياسىنا قارسىلىق كورسەتكەنى ءۇشىن جاۋاپقا تارتىلعان. نازاربايەۆتار وتباسى ايسۇلتاننىڭ ۇلىبريتانيادا ۇستالعانى جانە سوتتالعانى جايلى ەشقانداي كوممەنتاريي بەرگەن جوق.
