اۆستراليانىڭ پرەمەر-مينيسترى سكوتت مورريسون بەيسەنبى كۇنى جۇڭگو ۇكىمەتى گونكونگ ءۇشىن قاۋىپسىزدىك تۋرالى جاڭا زاڭ قابىلداعاننان كەيىن ۇلىبريتانيا گونكونگ ازاماتتارىنا ۆيزا ۇسىنۋ تۋرالى شەشىم قابىلداۋى مۇمكىن ەكەنىن ەسكەرتتى. وعان قوسا اۆستراليانىڭ ۇلىبريتانيا جاعىنا شىعىپ، گونكونگ تۇرعىندارىنا قولداۋ كورسەتۋگە دايىن ەكەنىن جاريالادى. بۇل تۋرالى قامشى ءتىلشىسى The Independent باسىلىمىنا سىلتەمە جاساپ حابارلايدى.
لوندون "شەتەلدەگى ۇلىبريتانيا ازاماتى" (BNO ءتولقۇجاتى) مارتەبەسى بار گونكونگ ازاماتتارىنا جانە ولاردىڭ اسىراۋىنداعى وتباسىلارىنا ۇلىبريتانيادا بەس جىل تۇرىپ، جۇمىس ىستەۋگە، كەيىننەن ازاماتتىق الۋعا ءوتىنىش بىلدىرە الاتىنىن مالىمدەدى. BNO ءتولقۇجاتىنا يە نەمەسە ونى الۋعا قۇقىلى شامامەن 3 ميلليون گونكونگ ازاماتى بار. ۇلىبريتانيانىڭ سىرتقى ىستەر ءمينيسترى دومينيك رااب پارلامەنتكە گونكونگپەن تىعىز قارىم-قاتىناستاعى باسقا ەلدەرمەن سويلەسكەنىن ايتتى.
گونكونگتاعى وقيعالارعا قاتىستى اۆستراليا ۇكىمەتى قولداۋ كورسەتۋگە دايىن ەكەنىن مالىمدەگەن.
"اۆستراليا ۇلىبريتانياعا ۇقساس گونكونگ تۇرعىندارىنا ءقاۋىپسىز باسپانا ۇسىنۋدى قاراستىرا ما؟" دەگەن سۇراققا اۆستراليا پرەمەر-مينيسترى "بىرنەشە اپتا بۇرىن قولداۋ سۇراعان ۇسىنىستاردى ءبىز بەلسەندى تۇردە قاراستىرىپ جاتىرمىز، ول تۋرالى سوڭعى ماسەلەلەر قوزعالادى. جاقىن ارادا وسىنداي مۇمكىندىكتەر بەرۋدى مينيسترلەر كابينەتىندە قاراستىرامىز" دەگەن.
پىكىر قالدىرۋ