ۇجىمدىق قاۋىپسىزدىك شارت ۇيىمىنىڭ ۇجىمدىق اۋە كۇشتەرىن قۇرۋ شەشىمى جاقىن ارادا قابىلدانادى.
بۇل تۋرالى بۇگىن ۇيىمىنىڭ باس حاتشىسى نيكولاي بورديۋجا بەينەكوپىر فورماتىندا وتكەن باسپا ءسوز ءماسليحاتىندا ءمالىم ەتتى.
«اۋە قورعانىسىنا كەلەتىن بولساق، ءبىز قازىرگى ۋاقىتتا ونىڭ تۇجىرىمداماسىن جاساقتادىق جانە جاقىن ارادا ۇقشۇ-نىڭ ۇجىمدىق اۋە كۇشتەرىن قۇرۋ تۋرالى شەشىم قابىلدانادى. بۇل كۇشتەر نەگىزىنەن اۋماقتاعى كولىكتىك جانە قورعانىس ماسەلەلەرىمەن اينالىسپاق»، - دەپ اتاپ ءوتتى ول.
ونىڭ ايتۋىنشا، سونىمەن قاتار، ۇيىم اياسىندا ارنايى وپەراسيالاردىڭ ۇجىمدىق كۇشتەرىن قۇرۋ بويىنشا جۇمىستار دا اتقارىلۋدا.
«ارنايى وپەراسيالاردىڭ ۇجىمدىق كۇشتەرىن قۇرۋ بويىنشا جۇمىستاردى جاقىن ارادا اياقتاۋ جوسپارلاۋدا. كونسەپتۋالدى تۇرعىدا بۇل جۇمىستاردى شەشتىك. مەنىڭشە، قازىرگى ۋاقىتتا بارلىق ماسەلە قاجەتتى نورماتيۆتىك بازانى جاساۋعا تىرەلىپ وتىر. بۇل ارنايى وپەراسيالار جانە اۋە كۇشتەرى قۇرىلىمدارىنا قاتىستى»، - دەدى ن.بورديۋجا.
ۇقشۇ باس حاتشىسىنىڭ سوزىنە قاراعاندا، اتالمىش ۇجىمدىق كۇشتەردىڭ قۇرىلۋ جانە ولاردى باسقارۋ جۇيەسىنىڭ جاسالۋى ۇيىمعا مۇشە مەملەكەتتەردىڭ كۇشتىك قۇرىلىمىن ەداۋىر نىعايتپاق جانە ونىڭ تيىمدىلىگىن ارتتىراتىن بولادى.
"قازاقپارات"
پىكىر قالدىرۋ