ق ر پرەزيدەنتى نۇرسۇلتان نازاربايەۆ 24-25 قازان كۇندەرى مينسكىدە وتەتىن جوعارى ەكونوميكالىق كەڭەستىڭ جانە تاۋەلسىز مەملەكەتتەر دوستاستىعى كەڭەسىنىڭ كەزەكتى وتىرىسىنا قاتىسادى.

 بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ رەسمي وكىلى التاي ابيبۋللايەۆ ءمالىم ەتتى.

«ەۋرازيالىق ەكونوميكالىق كەڭەس اياسىندا قازاقستان كەدەن وداعىنىڭ وزەكتى پروبلەمالارى مەن دامۋ پەرسپەكتيۆالارىن تالقىلاۋعا نيەتتى.سونداي-اق، ەۋرازيالىق ەكونوميكالىق كوميسسيا القاسىنىڭ مۇشەلەرى مەن قىزمەتكەرلەرىنە بايلانىستى جانە 2012 جىلعى كوميسسيا بيۋدجەتىنىڭ ورىندالۋىنا قاتىستى ماڭىزدى شەشىمدەرگە قول قويۋ جوسپارلانۋدا»، - دەدى ول.

ونىڭ سوزىنە قاراعاندا، تمد مەملەكەتتەرى باسشىلارى كەڭەسىنىڭ كۇنتارتىبىندە 14 ماسەلەنى تالقىلاۋ كوزدەلىپ وتىر. وتىرىس قورىتىندىسى بويىنشا ماڭىزدى قۇجاتتارعا، ونىڭ ىشىندە قۇپيا اقپاراتتاردى قورعاۋ، جەمقورلىققا قارسى تۇرۋ بويىنشا مەملەكەتارالىق كەڭەس قۇرۋ تۋرالى كەلىسىمدەر بار.

«مەملەكەت باسشىلارىنىڭ باستى نازارىندا تمد اۋماعىندا 2015 جىلدى ۇلى وتان سوعىسى ارداگەرلەرىنىڭ جىلى دەپ جاريالاۋ جانە ۇلى جەڭىستىڭ 70 جىلدىعىن مەرەكەلەۋ بويىنشا باسقا دا بىرلەسكەن شارالار بولماق»، - رەسمي وكىل.

بۇدان بولەك، ا.ابيبۋللايەۆتىڭ اتاپ وتۋىنشە، مينسكىدەگى پرەزيدەنتتەر كەزدەسۋ قارساڭىندا، ياعني 24 قازان كۇنى ق ر ءسىم ەرلان ىدىرىسوۆ جانە ق ر قورعانىس ءمينيسترى ادىلبەك جاقسىبەكوۆتىڭ قاتىسۋىمەن تمد سىرتقى ىستەر مينيسترلەرى كەڭەسى مەن قورعانىس مينيسترلەرى كەڭەسىنىڭ كەزەكتى وتىرىسىن ءوتۋى جوسپارلانعان.

"قازاقپارات"