ۇلىبريتانيانىڭ ستاففوردشير گرافتىعىنا قارايتىن ستوۋك-ون-ترەنت ەلدى مەكەنىندەگى اۋليە پەتر اتىنداعى كاتوليك شىركەۋى جەرگىلىكتى مۇسىلمان جاماعاتىنا ساتىلدى.  

بيرمينگەمدىك كاتوليكتەردىڭ وكىلى ەپارحيادا ۇزىن سانى 250 مىڭ ادامنىڭ ءتىزىمى بارىن جەتكىزدى. الايدا، اۋليە پەتر شىركەۋىنە كەلەتىندەردىڭ قاتارى كۇرت كەمىگەن سوڭ، اشىق ساۋدا كەزىندە ەڭ جوعارى باعا ۇسىنعان مۇسىلماندارعا ساتۋعا ءماجبۇر بولعانىن تىلگە تيەك ەتتى.

سوڭعى ون جىلدىڭ ىشىندە اقش، ۇلىبريتانيا ەلدەرىندە قاڭىراپ قالعان شىركەۋلەردىڭ مۇسىلمانداردىڭ مەنشىگىنە ءوتىپ، مەشىتكە اينالىپ جاتقانىن ايتا كەتۋ كەرەك.

2007 جىلدىڭ الەۋمەتتىك زەرتتەۋ ناتيجەلەرىنە قاراعاندا، بريتاندىقتاردىڭ 15 پايىزى شىركەۋگە تەك ايىنا ءبىر-اق رەت ات ءىزىن سالادى ەكەن. وزگە دەرەك كوزدەرى بويىنشا ۇلىبريتانيا شىركەۋگە كەلەتىن جاماعاتى جاعىنان كارى قۇرلىقتا ءتورتىنشى ەل بولىپ تابىلادى. بۇل تۋرالى muslim.kz. حابارلادى.