قازاق ساحناسىندا جەتى جىل ەڭبەك ەتىپ، "قارا كويلەك" انىمەن تانىلعان "دەنار" توبى ەكىنشى بەينەبايانىن كورەرمەن نازارىنا ۇسىندى دەپ حابارلايدى 31 تەلەارنا. قازاق ەسترادا جۇلدىزدارىنىڭ باسىن قوسىپ، بەينەباياننىڭ تۇساۋكەسەرىن وتكىزگەن جىگىتتەر،  شوۋ-بيزنەستى دامىتۋعا ءوز ۇلەسىمىزدى قوسپاي قويمايمىز دەگەن ماقسات قويىپ وتىر.

«وتانىم» دەپ اتالاتىن انگە تۇسىرىلگەن بەينەبايان ارقىلى  تەپسە تەمىر ۇزەتىن قازاق جىگىتتەرىن  اسكەرگە شاقىرىپ، جۇرەكتەرىنە وتانعا دەگەن سۇيىسپەنشىلىكتەرىن ارتتىرۋ دەيدى "دەنار" توبى. سونداي-اق كەشتە توپتىڭ جاڭارتىلعان قۇرامى رەسمي تۇردە تانىستىرىلىپ، ونەردە جۇرگەن اعا-اپكەلەرى ساتتىلىك تىلەپ، باتالارىن بەردى. الداعى ۋاقىتتا اتالمىش توپ،  روك-ن-رول، تۆيست  باعىتىندا دا ءان شىرقاپ، تىڭدارماندارىن قۋانتۋدى كوزدەپ وتىر.