الماتى قالالىق ىشكى ساياسات باسقارماسىنىڭ باسشىسى سانجار بوقايەۆ قىزمەتىنەن كەتتى. بۇل تۋرالى ول ءوزىنىڭ فەيسبۋكتاعى پاراقشاسىندا حابارلادى دەپ جازادى «قامشى» پورتالى قازاقپارات اگەنتتىگىنە سىلتەمە جاساي وتىرىپ.
«الماتى اكىمدىگىندەگى قىزمەتىمدى ءتامامداۋدى شەشتىم. بىرىنشىدەن، بۇرىنعى اكىم احمەتجان ەسىموۆكە ماعان تاجىريبە الۋعا مۇمكىندىك بەرگەنى ءۇشىن العىسىمدى بىلدىرگىم كەلەدى. جاڭا اكىم باۋىرجان بايبەككە دە تۇسىنىستىك پەن قولداۋ بىلدىرگەنىنە العىسىم شەكسىز. وعان جاڭا قىزمەتىندە تولاعاي تابىستار تىلەيمىن. بىرگە جۇمىس ىستەگەن ارىپتەستەر مەن قالا تۇرعىندارىنا كوپ راحمەت»، - دەدى ول پاراقشاسىندا.
سانجار بوقايەۆ 1982 جىلى تۋىلعان. ساياساتتانۋ ماماندىعى بويىنشا PhD دوكتورى، كولۋمبيا ۋنيۆەرسيتەتىندە، م.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندە ءبىلىمىن جەتىلدىرگەن.
ءار جىلدارى ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىندا جۇمىس ىستەگەن. ءال-فارابي اتىنداعى قازۇۋ-دا «ساياساتتانۋ» ءپانى بويىنشا ساباق بەرگەن، كافەدرا دوسەنتى قىزمەتىن اتقارعان.
«نۇر وتان» حدپ الماتىداعى بولىمشەسى ءتوراعاسىنىڭ ورىنباسارى لاۋازىمىندا قىزمەت اتقارعان. كەيىن قالالىق اكىمدىكتە جاستار ساياساتى ماسەلەلەرى جونىندەگى باسقارمانىڭ، ىشكى ساياسات باسقارماسىنىڭ باسشىسى بولعان.
پىكىر قالدىرۋ