رەسەيدەگى ازىق-تۇلىك ونىمدەرىنە سالىنعان سانكسيالار ەكونوميكانى ەسەڭگىرەتىپ جىبەرگەنى تۋرالى رەسەيلىك ب ا ق از جازباعان بولاتىن.  سولتۇستىكتەگى كورشىلەرىمىزدەگى  ساۋدا-ساتتىق شايقاسىنىڭ تىنىندە قازاقستاننىڭ دا ەكونوميكاسى الاعاي دا بۇلاعاي كۇيگە تۇسكەنى جاسىرىن ەمەس. دەگەنمەن ەاەو، كو ۇيىمدارىنىڭ شەڭگەلىندە قۇدايى كورشىمىز ءبىزدى دە  كىرىستىرىپ وتىر. وسىدان 3 جىل بۇرىن قازاقستان يمپورتتىق قۇقىقتارىن روسسەلحوزنادزورعا تاپسىرعان ەدى. ەندى مىنگە، جاقىندا عانا روسسەلحوزنادزور ءبىزدىڭ ەلگە نورۆەگ بالىقتارىن يمپورتتاۋعا تىيىم سالعاندىعى بەلگىلى بولىپ وتىر. بۇل تۋرالى «قامشى» پورتالى www..365info.kz سايتىنا سىلتەمە جاسايدى.

ال «كوممەرسانتتىڭ» جازۋىنشا، روسسەلحوزنادزور 14 نورۆەگتىك كاسىپورىننىڭ ونىمدەرىن يمپورتتاۋعا تىيىم سالعان. دەمەك، ەندى يمپورت تەك رەسەي ءۇشىن عانا ەمەس كەدەندىك وداق اياسىنداعى بەلورۋس، قازاقستان جانە ارمەنياعا دا توقتايتىن بولادى دەگەن ءسوز.

تىيىم سالىنعان ونىمدەرگە مۇزداتىلعان فورەلدەر، تەڭىز ونىمدەرى جاتادى. رەسەيلىكتەردىڭ پىكىرىنشە، سانكسيالانعان ونىمدەردى كەدەندىك وداق ەلدەرى تەرريتورياسى ارقىلى رەەكسپورتتاۋدىڭ الدىن الاتىن جالعىز شارا.  وسى ماقساتتا قولعا الىنعان شارا تۋرالى رەسمي حاتتار بەلورۋسيا، قازاقستان جانە ارمەنيا ەلشىلىگىنە جىبەرىلگەن.

ال رەسەيلىكتەردىڭ وزدەرى بولسا، نورۆەگ بالىقتارىن جەمەگەلى ءبىر جىل بولعان. بيىل سانكسيانىڭ مەرزىمى ۇزارتىلىپ، 2016 جىلدىڭ 6 تامىزىنا دەيىن سوزىلعان. ەمبارگو 2014 جىلدىڭ تامىزىندا ەۋرو وداق پەن رەسەي اراسىنداعى كيكىلجىڭدەردەن كەيىن سالىنعان.  سوندا ءبىزدىڭ مۇندا قاتىسىمىز قانشا؟

روسسەلحوزنادزوردىڭ شەشىمىنە قازاقستاندىق كاسىپكەرلەر نارازى ما؟ ەشتەڭە ايتا المايمىز. ەگەر بۇرىنىراقتا روسسەلحوزنادزوردىڭ قاۋلىسى قازاقستان تەرريتورياسىن ترانزيتتىك ماقساتتا پايدالانۋعا تىيىم سالسا، ەندى مۇلدە قازاقستان اۋماعىنا نورۆەگ بالىقتارىن كىرگىزۋگە بولمايتىنىن ايتىپ وتىر.

سانجار ءابدىحالىق، «KingFisher» ج ش س قارجى ديرەكتورى:

«مىنە ءۇش جىلدان استى، كەدەندىك وداق اياسىندا قازاقستانعا قانداي تاۋارلار، قانداي ونىمدەر كىرگىزۋگە بولاتىنىن رەسەيلىك روسسەلحوزنادزور شەشىپ كەلەدى. ءبىز ازىق-تۇلىك ونىمدەرىن شىعارۋشى كاسىپكەر رەتىندە ايتىرلىقتاي قىسىمداردى كۇن سايىن تاڭداۋ ەركىندىگىنىڭ تارىلىپ كەلە جاتقانىن، شيكىزات ونىمدەرى مەن تاۋارلارعا شەكتەۋ قويىلىپ جاتقانىن كورىپ كەلەمىز. بىزدە ءقازىر تاڭداۋ قالماي بارادى. روسسەلحوزنادزور وسىمەن بىرنەشە مارتە ءبىزدىڭ ىشكى نارىققا ارالاسىپ، ءتۇرلى ونىمدەردى ءبىزدىڭ ەلگە يمپورتتاۋعا شەكتەۋ قويىپ وتىر. ءبىزدىڭ ىشكى ساياساتىمىزعا ارالاسۋى نەنى اڭعارتادى؟ مەنىڭشە مۇنىڭ استارىندا بوتەن پيعىلدار جاتىر.

رەسەي ساۋدا-ساتتىق سوعىسىن ءبىزدىڭ تەرريتورياعا باعىتتاپ وتىر

رەسەي بۇل جەردە اسكەري ستراتەگتەردىڭ ەڭ ايگىلى تاكتيكاسىن قولدانىپ، شايقاستى وزگە تەرريتوريا ارلىقى جۇرگىزبەكشى، دەيدى كاسىپكەرلەر. ال ەاەو جانە كو سول ماقساتتى قۇرىلعان ارنايى ۇيىمدار ءرولىن اتقارۋدا-مىس. ءجا، رەەكسپورت ماسەلەسىنە كەلەر بولساق، مۇزداتىلعان بالىقتار بىزگە نورۆەگيادان تىكەلەي ۇشاق ارقىلى جەتكىزىلەدى.  اۋەجايدا ارنايى ۆەتەرينارلىق باقىلاۋدان وتكىزىلەدى. وسىلايشا مۇزداتىلعان نورۆەگ بالىقتارى باسقا مەملەكەتكە ۇشىپ كەتە المايدى. ونىڭ ۇستىنە بۇل ەكونوميكالىق ءتيىمسىز.  ال ءتىپتى، ۇشىپ كەتتى دەگەن كۇننىڭ وزىندە رەسەيلىك اۋەجايدان-اق قۇرىقتالارى ءسوزسىز. ويتكەنى، وندا دا ۆەتەرينارلىق باقىلاۋ جاسالادى.  جوعارىداعى مالىمەتتەردى ەسكەرە كەلە، روسسەلحوزنادزوردىڭ ءبىزدىڭ ىشكى ماسەلەلەرىمىزگە  ارالاسۋىنا جول بەرۋىمىز – پرەزيدەنتىمىز ايتپاقشى تاۋەلسىزدىگىمىزدىڭ تىزگىنىن ۇستاتىپ قويعانىمىزبەن بىردەي ەمەس پە؟

نۇرگەلدى ءابدىعاني ۇلى