تانىمال قازاقستاندىق اقىن ءارى مۋزىكانت نۇرلان ەسەمبايەۆتىڭ “مەن قازاقپىن، قازاقستاندا تۇرامىن” اتتى ءانى ءوز ەلىمەن قوسا، وزگە ەلدىڭ تىڭدارماندارىن دا ءتانتى ەتتى. پاتريوتتىق ءان رەسەيلىك جانە نەمىس اۋەسقوي انشىلەرىنىڭ ورىنداۋىندا ءجيى ەستىلەتىن بولدى.
ەسەمبايەۆ العاش رەت ءوز كومپوزيسياسىن 2011 جىلى ورىنداعان. سول ۋاقىتتان بەرى ول تانىمالدىققا يە بولىپ، شەتەلدە دە سۇيىسپەنشىلىككە بولەندى. ورىنداۋشى تۋعان جەرگە ارنالعان «قازاقستانعا قوش كەلدىڭىزدەر!» اتتى البومىن دا جارىققا شىعارىپ ۇلگەرگەن.
