كەيبىر ب ا ق اكىم-قاراردىڭ 10 ملن تەڭگە پارا الىپ جاتقان جەرىنەن ۇستالعانىن جازادى. ال سىبايلاس جەمقورلىققا قارسى قىزمەت شاپاعات اۋباكىردىڭ تەك ۇستالعانىن عانا راستادى.
"سىبايلاس جەمقورلىققا قارسى قىزمەت ساتپايەۆ قالاسىنىڭ اكىمى ق ر قك 366-ب. 2-بابى بويىنشا سوتقا دەيىنگى تەرگەۋ شەڭبەرىندە ۇستالعانىن راستايدى. ق ر قپك-نىڭ 201-بابىنا سايكەس وزگە اقپارات جاريا ەتۋگە جاتپايدى"، دەلىنگەن قۇزىرلى ۆەدومستۆو حابارلاماسىندا.
شاپاعات اۋباكىر 1983 جىلى تۋعان. 2006 جىلدان باستاپ مەملەكەتتىك قىزمەتتە ىستەپ كەلەدى. ساتبايەۆتىڭ ەكونوميكا جانە بيۋدجەتتىك جوسپارلاۋ ءبولىمىنىڭ باس مامانى، "ساتبايەۆ قالاسىنىڭ ەكونوميكا جانە قارجى ءبولىمى" مەملەكەتتىك مەكەمەسى بيۋدجەتتىك جوسپارلاۋ سەكتورىنىڭ مەڭگەرۋشىسى، "ساتبايەۆ قالاسىنىڭ ەكونوميكا جانە قارجى ءبولىمىنىڭ" باسشىسى لاۋازىمدارىن اتقاردى.
2021 جىلعى قازاننان باستاپ قازىرگى ۋاقىتقا دەيىن ساتبايەۆ اكىمىنىڭ ورىنباسارى بولىپ جۇمىس ىستەدى.
ال قالا اكىمى بولىپ 2023 جىلدىڭ قاڭتارىندا تاعايىندالعان.
پىكىر قالدىرۋ