شىعىس قازاقستان مەملەكەتتىك تەحنيكالىق ۋنيۆەرسيتەتىندە دايارلانادى
د.سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتى – اۆتوونەركاسىپ كاسىپورىندارى ءۇشىن ارنايى ماماندار ازىرلەۋدى باستاعان ەلىمىزدەگى العاشقى ءبىلىم ورىندارىنىڭ ءبىرى. 2003 جىلى «ازيا اۆتو» اق كاسىپورنىنىڭ كونۆەيەرى ىسكە قوسىلعاننان باستاپ شقمتۋ قازاقستاندىق تۇڭعىش اۆتوموبيل وندىرىسىنە قاجەتتى مامانداردى دايارلاپ كەلەدى. 2011 جىلى اتالعان ۋنيۆەرسيتەت پەن زاۋىت اراسىنداعى ىنتىماقتاستىق جاڭا بەلەسكە كوتەرىلىپ، كاسىپورىندا ۋنيۆەرسيتەتتىڭ «كولىك جانە لوگيستيكا» كافەدراسىنىڭ فيليالى اشىلعان بولاتىن.
بۇگىندە ايماقتىڭ جەتەكشى تەحنيكالىق جوعارى وقۋ ورنى ءوزىنىڭ كوپ جىلدان بەرگى عىلىمي-وندىرىستىك تاجىريبە بارىسىنداعى سەرىكتەسىمەن بىرلەسە جۇمىس جۇرگىزۋدىڭ ناتيجەسىندە ەكىجاقتى ءتيىمدى بايلانىستىڭ جاڭا ساتىسىنا اياق باستى. ەندى جوعارى وقۋ ورنى وسكەمەن قالاسىنداعى «ازيا اۆتو قازاقستان» اق بازاسىندا سالىنىپ جاتقان ءىرى ماشينا جاساۋ ءوندىرىسى ءۇشىن بىلىكتى ينجەنەر ماماندارىن دايارلايتىن بولادى. وسى ارقىلى ءشقمتۋ-دىڭ پروفەسسورلارى مەن وقىتۋشىلارى جانە ماگيسترلىك باعدارلامالاردىڭ ستۋدەنتتەرى تولىق سيكلدى اۆتوموبيل زاۋىتىنىڭ جانە اۆتوبولشەكتەر شىعارۋ جونىندەگى تەحنوپارك بولىمدەرىندە عىلىمي جانە كاسىبي تاجىريبەدەن ءوتۋ مۇمكىندىگىنە يە بولدى. بۇل جونىندە د.سەرىكبايەۆ اتىنداعى شقمتۋ رەكتورى جاسۇلان شايماردانوۆ پەن «ازيا اۆتو قازاقستان» اق پرەزيدەنتى ەرجان ماندييەۆ ءوزارا ىنتىماقتاستىق جونىندەگى كەلىسىمگە قول قويۋ بارىسىندا بەلگىلى بولدى. كەلىسىم اياسىندا بىرلەسكەن عىلىمي-تاجىريبەلىك جانە زەرتتەۋ جۇمىستارى ۇيىمداستىرىلادى دەپ كۇتىلۋدە. ۋنيۆەرسيتەت رەكتورىنىڭ ايتۋىنشا، بۇل جوبا جاس ماماندار ءۇشىن جاڭا مۇمكىندىكتەرگە جول اشادى. ياعني، ستۋدەنتتەر مەن وقىتۋشىلار قازاقستانداعى جاڭا سالانىڭ قالىپتاسۋى مەن دامۋىنا ءوز ۇلەستەرىن قوسپاق. سونىمەن بىرگە، ماماندىقتاردىڭ وتاندىق رەەسترى ۋنيۆەرسيتەتتىڭ ءبىلىم بەرۋ باعدارلامالارىنىڭ ءتىزىمى سياقتى اناعۇرلىم كەڭەيەدى. ال «ازيا اۆتو قازاقستان» اق پرەزيدەنتى ە.ماندييەۆ كاسىپورىن بازاسىندا سالىنىپ جاتقان ءوندىرىس ورنىندا 12 مىڭعا جۋىق جۇمىسشى-قىزمەتكەرلەر جۇمىس ىستەيتىنىن، ولاردىڭ ىشىندە 1500 ديپلومدى ينجەنەرلەر، قۇراستىرۋشىلار، اۆتومەحانيكتەر، حيميك-تەحنولوگتار، لوگيستيكا جانە اقپاراتتىق تەحنولوگيالار ماماندارى ەڭبەك ەتەتىنىن جەتكىزدى. كاسىپورىن باسشىسى وسى ورايدا وقۋ ورنىمەن بىرلەسە وتىرىپ، جاڭا وندىرىسكە قاجەتتى بىلىكتى ماماندار توبى دايىندالاتىنىن اتاپ ءوتتى. ءقازىر قۇرىلىسى قىزۋ جۇرگىزىلىپ جاتقان ءوندىرىس كەشەنىنىڭ جوبالىق قۋاتى دانەكەرلەۋ، كولىك قورابىن بوياۋ جانە اۆتوموبيل قۇراستىرۋ بويىنشا جىلىنا 120 مىڭ اۆتوكولىك شىعارماق. ءوندىرىستىڭ ءبىرىنشى كەزەگى 2017-2018 جىلدارى ىسكە قوسىلادى.
«ازيا اۆتو قازاقستان» اق-تىڭ بۇل جوباسى ەلىمىزدىڭ 2015-2019 جىلدارعا ارنالعان ۇدەمەلى يندۋستريالىق-يننوۆاسيالىق دامۋ باعدارلاماسىنا، يندۋستريالاندىرۋ كارتاسىنا جانە باسقا دا ءبىرقاتار مەملەكەتتىك باعدارلامالارعا ەنگىزىلگەنىن دە ايتا كەتكەن ءلازىم.
"قامشى" سىلتنەيدى
دەرەككوز: ەگەمەن قازاقستان
