پرەزيدەنت نۇرسۇلتان نازاربايەۆ ۇسىنعان «5 ينس­تي­تۋتتىق رەفورمانى جۇزەگە اسىرۋداعى 100 ناقتى قا­دام» جوسپارىن تالقىلاۋ ماقساتىندا سەمەيدە ارنايى جيىن ءوتتى. جيىنعا قالالىق ىشكى ساياسات ءبولىمىنىڭ باسشىسى ايدار سادىربايەۆ، قالا اكىمى اپپاراتىنىڭ مەملەكەتتىك-قۇقىقتىق جۇمىستار ءبولىمىنىڭ باسشىسى سەرجان ازبەرگەنوۆ، سەمەي قالاسى № 2 سوتىنىڭ سۋدياسى جانات ابەنوۆا جانە مەملەكەتتىك قىزمەتكەرلەر مەن سوت سالاسىنىڭ قىزمەتكەرلەرى قاتىستى.
جيىننىڭ باستى تاقىرىبى ستراتەگيالىق قۇجاتتىڭ 1-2 تاراۋىندا بەلگىلەنگەن كاسى­بي مەملەكەتتىك اپپاراتتى قۇرۋ مەن زاڭنىڭ ۇستەمدىگىن قام­تاماسىز ەتۋ جونىندە بولدى. س.ءاز­­­بەرگەنوۆ ايتىپ وتكەندەي، ۇلت جوس­پارىنىڭ العاشقى 15 قادامىندا مەملەكەتتىك قىز­مەتكەرلەر كورپۋسىن كاسىبي ءارى اۆ­تو­نوميالى ەتۋگە باسىمدىلىق بەرىلگەن. ياعني، الداعى ۋاقىتتا مەملەكەتتىك قىزمەتكە قابىلداۋ ۇدەرىسى جاڭعىرىپ، ۇمىتكەرلەر ءوز جۇمىستارىن تومەنگى ساتىدان باس­تايتىن بولادى. ەلباسى الداعى قازاقستاننىڭ دامۋ جولىن سايلاۋ الدىنداعى بەس رەفورمامەن، سول رەفورمالار اياسىندا جۇزەگە اساتىن 100 ناقتى قاداممەن باي­لانىستىردى. الدىمەن بەس رەفورماعا كەلسەك، بۇل ماسەلە «نۇر وتان» پارتياسىنىڭ سەسسياسىندا ەلباسىنىڭ سايلاۋ­الدى باعدارلاماسى رەتىندە جاريالانعان بولاتىن.
«رەفورمالار جوسپارى، بiرiن­شiدەن، الەمدەگi بۇگiنگi تۇراق­سىزدىق جاعدايىندا حالىقتىڭ قاۋiپسiزدiگiن، ەكiنشiدەن، كەڭ اۋ­قىمدى جاڭعىرتۋلاردى قام­تاماسىز ەتەدi. تاۋەلسiزدiك ال­­عان العاشقى جىلدارى ەگەمەن مەملەكەتتiڭ نەگiزدەرى قالاندى. بۇل مەملەكەتتi قالىپتاستىرۋدىڭ العاشقى كە­زەڭi بولدى. وسىدان كەيiن بiز قالىپتاسقان مەملەكەتتiڭ جولىنان ءوتتiك، بۇل ەكiنشi كەزەڭ ەدi. قازiر ۇلكەن رەفورمالار باستالىپ جاتىر، بiز ماڭگiلiك ەلگە جول سالامىز. بۇل بiزدiڭ مەملەكەتتiك قۇرىلىستىڭ ءۇشiنشi كەزەڭi بولادى»، دەگەن ەدى ەلباسى رەفورمالار جوسپارىنا تۇسىنىكتەمە بەرە وتىرىپ. وسى سايلاۋالدى تۇعىر­نامانىڭ ماڭىزدىلىعىنا مەملەكەت باسشىسى ۇلىقتاۋ راسىمىندە دە نازار بۇرىپ، قايتا سايلانعان پرەزيدەنت رەتىندە ەڭ ءبىرىنشى كەزەكتە جاڭعىرتۋ جونىندەگى ۇلتتىق كوميسسيا قۇرا­تىنىن جەتكىزگەن-تىن»، دەدى س.ازبەرگەنوۆ.
بۇگىندە ەلىمىزدە سوت سالاسىن جەتىلدىرۋگە بايلانىس­تى كوپتەگەن ءىس-شارالاردىڭ اتقا­رى­لىپ جاتقانى بەلگىلى. وسى ورايدا سۋديالاردىڭ ەسەپ بەرۋ ءتارتىبىن كۇشەيتۋ؛ سۋديالاردىڭ جا­ڭا ەتيكالىق كودەكسىن جاساۋ جانە باسقا دا ماسەلەلەر ۇلت جوس­پارىنىڭ 19-قادامىندا كورسەتىلىپ وتىرعانىن ايتا كەت­كەنىمىز ءجون. قۇجاتتىڭ 20، 21، 22-قادامدارى سوت سالاسىنا ارنالعان. وسى رەتتە سەمەي قالاسى №2 سوتىنىڭ سۋدياسى جانات ابەنوۆا ازاماتتاردىڭ سوت تورەلىگىنە قولجەتىمدىلىگىن ارت­­تىرۋ ءۇشىن سوت جۇيەسى ينستانسيالارى وڭتايلاناتىندىعىن بايان­دادى. ناقتىراق ايتقاندا، بەس ساتىلى سوت جۇيەسىنەن ءۇش دەڭگەيلى تورەلىك تەتىگىنە كوشۋ جولدارى قاراستىرىلماق. بۇدان وزگە، سۋديا لاۋازىمىنا ۇمىتكەرلەر ساراپتالىپ، بىلىكتىلىك تالاپتارى كۇشەيتىلەتىن بولادى. ەندى سۋديا قىزمەتىنە تاعايىندالۋ ءۇشىن سىنعا تۇسەتىن ازاماتتاردىڭ 5 جىلدىق جۇمىس تاجىريبەسى بولۋى مىندەت، دەدى ج.ابەنوۆا.

دەرەككوز: ەگەمەن قازاقستان