جاقىندا استانادا قازاقستان-پاكىستان ۇكىمەتارالىق كوميسسياسىنىڭ ساۋدا-ەكونوميكالىق، عىلىمي-تەحنيكالىق جانە مادەني ىنتىماقتاستىق جونىندەگى بىرلەسكەن 8ء-شى وتىرىسى قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى اسقار ءمۋسينوۆتىڭ جانە پاكىستان يسلام رەس­پۋبليكاسىنىڭ مۇناي جانە مينەرالدى رەسۋرستار مەم­لەكەتتىك ءمينيسترى دجام كامال حاننىڭ توراعالىعىمەن ءوتتى.
وتىرىس بارىسىندا قازاقستان-پاكىستان ءوزارا ىقپالداستىعىنىڭ ساۋدا-ەكونوميكالىق، وتىن-ەنەر­گەتيكالىق، كولىك جانە بايلانىس، ونەركاسىپ، اۋىل شارۋاشىلىعى، دەنساۋلىق ساقتاۋ، عىلىم جانە ت.ب. سالالارىنا قاتىستى كوپتەگەن ماسەلەلەر تالقىلاندى.
قازاقستان تاراپى ينفرا­قۇ­رىلىمدىق دامۋدىڭ «نۇرلى جول» مەملەكەتتىك باعدارلاماسى، «100 ناقتى قادام» ۇلت جوسپارى سەكىلدى قازاقستان پرەزيدەنتى نۇرسۇلتان نازاربايەۆتىڭ باستامالارىنا نازار اۋداردى. سونداي-اق، پاكىستان جاعى ەكسپو-2017 مامانداندىرىلعان حالىقارالىق كورمەسىنە قاتىسۋ ءۇشىن استانا قالاسىنا شاقىرىلدى.
كەلىسسوزدەر بارىسىندا ءۇستى­مىزدەگى جىلعى تامىز ايىندا پاكىستان پرەمەر-مينيسترى ناۆاز ءشاريفتىڭ قازاقستانعا رەسمي ساپارى بارىسىندا جوعارى دەڭگەيدە قول جەتكىزىلگەن ۋاعدالاستىقتار ەكى ەل اراسىنداعى ءوزارا ءتيىمدى ساۋدا-ەكونوميكالىق ىنتىماقتاستىقتى ودان ءارى كەڭەيتۋ ءۇشىن بەرىك نەگىز قالاعانى اتاپ كورسەتىلدى.
ۇكىمەتارالىق كوميسسيا كولىك-لوگيستيكالىق باعدارلامانىڭ قۇرامداس بولىگى بولىپ تابىلاتىن قازاقستان – تۇرىكمەنستان – يران تەمىرجول ماگيسترالى مەن يسلاماباد – تەگەران – ىستامبۇل تەمىرجول ماگيسترالىنىڭ ءتۇيىسۋى، سونداي-اق، قازاقستاننىڭ پاكىستان اۋماعىنداعى باسقا دا كولىكتىك جوبالارعا قاتىسۋى ماسەلەسىنە نازار اۋداردى.
دجام كامال حان ءوز كەزەگىندە يسلامابادتىڭ استانامەن قا­رىم-قاتىناسىنا ۇلكەن ءمان بەرەتىنىن اتاپ ءوتتى جانە قازاق­ستان مەن پاكىستاننىڭ ساۋدا-ەكونو­ميكالىق بايلانىسىن ودان ءارى ارتتىرۋ ءۇشىن شارالار قابىلداۋعا جانە وسى ورايدا، ۇكىمەتارالىق كو­ميس­­سيانىڭ مەحانيزمىن تولىق­قاندى پايدالانۋعا نيەت ءبىلدىردى.
سونىمەن قاتار، تاراپتار ەكى ەل ىسكەر توپتارى اراسىنداعى ءوزارا ءىس-قيمىلداردىڭ پەرسپەكتيۆالىق باعىتتارىن بەلگىلەپ، ەكىجاقتى ىنتىماقتاستىقتى ودان ءارى تەرەڭ­دەتۋ جونىندەگى جۇمىستى جالعاس­تىرۋعا كەلىستى.
ۇكىمەتارالىق كوميسسيا وتى­رى­سىنىڭ قورىتىندىسى بويىنشا باسىم باعىتتاردى ايقىندايتىن بىرلەسكەن حاتتاماعا قول قويىلدى.
سونداي-اق، ونىڭ كەلەسى وتىرىسىن 2017 جىلى پاكىستان يسلام رەسپۋبليكاسىندا وتكىزۋ تۋرالى شەشىم قابىلداندى.
قازاقستانعا ساپارى بارىسىندا دجام كامال حان قازاقستان ەنەرگەتيكا ءمينيسترىنىڭ ءبىرىن­ءشى ورىنباسارى ۇزاقباي قارا­با­لينمەن دە كەزدەستى.

دەرەككوز: ەگەمەن قازاقستان