«باسەكەگە قابىلەتتى كوشباسشىلار – «ۇلتتىق چەمپيوندار» باعدارلاماسىنىڭ قاتىسۋشىسى قازاقستاندىق «ماسلو-دەل» كومپانياسى 2018 جىلى قىتايعا وسىمدىك مايىنىڭ ەكسپورتىن ارتتىرادى.
كومپانيا مۇنداي جوسپارعا «بايتەرەك» حولدينگىمەن جۇزەگە اسىرىلىپ جاتقان «ۇلتتىق چەمپيوندار» باعدارلاماسىنا قاتىسۋ ناتيجەسىندە قول جەتىزىپ وتىر. سونداي-اق، ۇلتتىق تۇتىنۋشىلار ىرىكتەۋىنەن ناتيجەلى وتكەن چەمپيون كومپانيا جوسپارىندا ءىرىمشىك قايناتاتىن ءوندىرىستى ىسكە قوسۋ، قويىلتىلعان قىشقىل ءسۇت ءونىمدەرىنىڭ جاڭا توپتاماسىن جانداندىرۋ، راپس مايى سەكىلءدى الەمدىك سۇرانىسقا يە بىرەگەي ونىمدەردىڭ ايرىقشا ەرەكشەلىكتەرىن قولدانا وتىرىپ، ىشكى نارىقتاعى ۇستانىمداردى نىعايتۋ سەكىلدى نارىق زاڭىنا ىڭعايلاستىرىلعان جوبالار بار. وتاندىق ءونىم وندىرۋشىلەردى قولداۋ ماقساتىندا مەملەكەت تاراپىنان ۇيىمداستىرىلىپ وتىرعان باعدارلاماعا قاتىسۋ 2018 جىلى «ماسلو-دەل» كومپانياسىنىڭ ءتۇسىم ءوسىمىن 16 ميلليارد تەڭگەگە قامتاماسىز ەتەدى دەپ كومپانيا ماماندارى سەنىمدى پايىم جاساۋدا.
بىلتىر جاپونيانىڭ استاناسى توكيودا وتكەن «FOODEX – 2014» ازيا-تىنىق مۇحيت ايماعىنداعى ازىق-تۇلىك ونىمدەرى جانە سۋسىندار كورمەسىندە قازاقستاندىق «سەزام ەكو»، Sun Bee جانە «ماسلودەل» كومپانيالارى ماي ونىمدەرىن جانە قازاقستاندىق بال سۇرىپتارىن كورمەگە شىعارىپ، ساراپشىلار نازارىنا ۇسىنعان بولاتىن. سول كورمەدە دامىعان شىعىس ەلدەرى قازاقستاندىق «ماسلو-دەل» كومپانياسى وندىرەتىن زىعىر، كۇنجىت، زەرە، جەرجاڭعاق، اسقاباق مايلارىنىڭ ءوز ساۋدا جانە تۇتىنىس نارىعىندا ۇلكەن سۇرانىسقا يە بولا الاتىندىعىن مالىمدەگەن.
كورمە جۇمىسىنىڭ 4 كۇنى ىشىندە وتاندىق كاسىپورىندار شەتەلدىك ساتىپ الۋشى سەرىكتەستەرمەن 100-دەن اسا كەلىسسوزدەر جۇرگىزىپ، ەداۋىر ءتيىمدى ناتيجەلەرگە قول جەتكىزگەن بولاتىن.
ەستەرىڭىزگە سالا كەتەيىك، «ءبايتەرەك» حولدينگى 2015 جىلدىڭ كوكتەمىندە مەملەكەت باسشىسىنىڭ باستاماسىمەن ەكونوميكانىڭ شيكىزاتتىق ەمەس سالاسىنداعى ورتا بيزنەس كوشباسشىلارى – وتاندىق كومپانيالاردى قولداۋ ماقساتىندا قۇرىلعان «ۇلتتىق چەمپيوندار» باعدارلاماسىن جۇزەگە اسىرۋعا كىرىسكەن بولاتىن. ءوزدەرىنىڭ باسەكەگە قابىلەتءتىلىكتەرىنىڭ ناتيجەسىندە باعدارلاماعا قاتىسۋشى كومپانيالار بۇگىندە شۇعىل تۇردە جاڭا جوبالاردى ىسكە قوسىپ، ەكسپورت اۋقىمىن ۇلعايتىپ، يمپورتتى الماستىرۋمەن جانە تۇرعىنداردى جۇمىسپەن قامتاماسىز ەتۋ جۇ-
مىستارىن جەدەلدەتكەنى بەلگىلى.
مەملەكەتتىك باعدارلامادا ءوزىءنىڭ ساپالى ونىمدەرىمەن جەتەكءشى كومپانيالار ساناتىنا قوسىلعان «ماسلو-دەل» ج ش س قازاقستانداعى تاماق ونىمدەرىن وندىرەتىن ءىرى كومپانيالاردىڭ ءبىرى عانا ەمەس، الەمدىك نارىققا سەنىمدى قادام جاساپ وتىرعان وتاندىق وندىرۋشىلەردىڭ دە بىرەگەيى. بۇگىنگى كۇنى كومپانيادا سارى ماي جانە وسىمدىك مايلارى، ونەركاسىپتىك سۇرانىستاعى مايلار، مارگاريندەر، مايونەزدەر، كەچۋپتەر، قىزاناق پاستاسى، ۇزاق ساقتالاتىن ءسۇت، قويۋلاتىلعان ءسۇت سياقتى 100-دەن اسا ءونىم تۇرلەرى وندىرىلەدى
«بايتەرەك» حولدينگى مەن «Mc.Kinsey & Company» ساراپشىلارى بىرىگىپ، كاسىپورىن ءۇشىن الداعى ۋاقىتتا جۇزەگە اسىرىلۋى قاجەت ءبىرقاتار باستامالاردى وندىرىسكە الىپ وتىر.
– ءبىزدىڭ كومپانيانىڭ باعدارلاماعا قاتىسۋى باسەكەگە ءقابىلەتتىلىكتى ارتتىرۋعا مۇمكىندىك سىيلايدى، ساۋدا وسىمىندە جانە ەكسپورتتىق نارىقتاردى مەڭگەرۋدە قوسىمشا سەرپىن بەرەدى. اتالمىش باستامالاردى جۇزەگە اسىرۋ ءتۇسىمنىڭ ايتارلىقتاي كوبەيۋىن جانە ەڭبەك ونىمدىلىگىن ارتتىرۋدى قامتاماسىز ەتەدى، – دەيدى «ماسلو-دەل» كومپانياسى «ماي جانە ءسۇت ونىمدەرىن ءوندىرۋ كومبيناتىنىڭ» ديرەكتورى ناتاليا سولوحينا.
وتاندىق وندىرۋشىلەر مەن باسەكەگە قابىلەتتى كاسىپورىنداردى باعالاي جانە ولارعا مەملەكەتتىك قولداۋ كورسەتۋ ماقساتىندا ۇيىمداستىرىلعان «ۇلتتىق چەمپيوندار» باعدارلاماسىنا قاتىسۋعا وتاندىق كومپانيالاردان 300-دەن استام ءوتىنىش تاپسىرىلعان بولاتىن. سولاردىڭ ىشىنەن قارجىلىق، ينستيتۋسيونالدىق جانە كونسۋلتاسيالىق قولداۋ كورسەتىلەتىن ازىق-تۇلىك، قۇرىلىس جانە ماشينا جاساۋ سالاسىنان 28 كومپانيا ىرىكتەلىپ الىندى.
باعدارلامانىڭ ماقساتى قازاقستاندا الەمدىك جانە ايماقتىق اۋقىمداعى كومپانيالاردى قالىپتاستىرۋ جولىمەن قازاقستاندا شيكىزاتتىق ەمەس سەكتوردىڭ باسەكەگە قابىلەتتى، ەكسپورتقا باعدارلانعان ءوندىرىستەرىن قۇرۋ بولىپ تابىلادى. اتالمىش باعدارلاما قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ ايقىنداپ بەرگەن 5 ينستيتۋتتىق رەفورما جانە «100 ناقتى قادام» باعدارلاماسىن جۇزەگە اسىرۋ اياسىندا ازىرلەندى.
ينتەگراسيا جاعدايىندا وتاندىق تاۋارلاردىڭ باسەكەگە ءقابىلەتتىلىگىن ارتتىرۋ – مەملەكەتتىڭ عانا ەمەس، بيزنەستىڭ ءوزىءنىڭ دە مىندەتى ەكەنىن بۇگىنگى ءونىم وندىرۋشىلەر انىق سەزگەءنىن «ۇلتتىق چەمپيوندار» باعدارلاماسى ايقىنداپ بەردى.
دەرەككوز: ەگەمەن قازاقستان
