كەشە پرەزيدەنت جانىنداعى ورتالىق كوممۋنيكاسيالار قىزمەتىندە وتكەن كەزەكتى باسپا ءسوز ءماسليحاتىندا وڭىرلەردى دامىتۋدىڭ 2020 جىلعا دەيىنگى باعدارلاماسىن «سامۇرىق-قازىنا» جىلجىمايتىن مۇلىك قورىنىڭ ىسكە اسىرۋى جايى تالقىلاندى.
جيىن بارىسىندا «سامۇرىق-قازىنا» جىلجىمايتىن مۇلىك قورى» اق باسقارما ءتوراعاسى بولات پالىمبەتوۆ اتالعان اكسيونەرلىك قوعام وڭىرلەردى دامىتۋدىڭ 2020 جىلعا دەيىنگى باعدارلاماسى شەڭبەرىندە جەكەمەنشىك كومپانيالارمەن ارىپتەستىك ورناتا وتىرىپ، شامامەن 585 مىڭ شارشى مەتر تۇرعىن-جاي قۇرىلىسىن جۇرگىزىپ جاتقانىن مالىمدەدى. بۇل دەگەنىمىز، شامامەن 10 255 پاتەر ەكەن. ونىڭ ىشىندە 472 مىڭ شارشى مەترى، ياعني 8 286 پاتەر «سامۇرىق-قازىنا» جىلجىمايتىن مۇلىك قورىنا تيەسىلى. بۇگىندە جالپى اۋدانى 344 مىڭ شارشى مەتر پايدالانۋعا بەرىلدى، ونىڭ ىشىندە جىلجىمايتىن مۇلىك قورىنا تيەسىلى بولىگى – 267 مىڭ شارشى مەتر نەمەسە 5 063 پاتەر بولىپ وتىر، دەدى باسقارما باسشىسى. ايتا كەتسەك، ساتىپ الۋ قۇقىعىمەن جالعا بەرىلەتىن پاتەرلەر 15 جىل مەرزىمگە بەرىلەدى. جالداۋ تولەمدەرىنىڭ مولشەرى ساتىپ الۋ قۇقىعىمەن جالداۋدىڭ بۇكىل مەرزىمى ىشىندە ءبىرقالىپتى دەڭگەيدە بولادى.
ب.پالىمبەتوۆ، سونىمەن قاتار، قور جەر­گىلىكتى قۇرىلىس كومپانيالارىمەن تىعىز ىنتىماقتاستىقتا تۇرعىن ۇيلەر سالىپ، وڭىرلەردى دامىتۋعا بەلسەندى قاتىسىپ وتىرعاندىعىن ايتا كەلە، اتالعان باعدار­لامانى جۇزەگە اسىرۋ اياسىندا جىلجىمايتىن مۇلىك قورى ەلىمىزدىڭ 11 وڭىرىندەگى قۇرىلىستار ءتورت مىڭنان استام جۇمىس ورىندارىن اشقانىن جەتكىزدى. «قۇرىلىس سالۋشىلاردىڭ نىسانداردى سالۋ كەزىندە قازاقستاندىق قۇرىلىس ماتەريالدارىن قولدانۋى جانە جەرگىلىكتى جۇمىس كۇشىن تارتۋى ارقاسىندا اعىمداعى جىلدىڭ 9 ايىنداعى ناتيجەسى بويىنشا ىسكە اسىرىلىپ جاتقان جوبالارداعى جەرگىلىكتى قامتۋ دەڭگەيىن ور­تا­شا ەسەپ­پەن 80 پايىزعا دەيىن ارت­تىرۋعا قول جەتكىزۋمەن قاتار، جىل­­جى­مايتىن مۇلىك قورىنىڭ قا­تى­­سۋىمەن سالىنىپ جاتقان نى­سان­­داردىڭ قۇرىلىس قۇنىن قىم­­بات­تاتپاۋعا مۇمكىندىك بەردى»، دەدى ول.
باسقارما ءتوراعاسى باسپانا باعاسىنا قاتىستى دا اقپارات­تار­مەن ءبولىستى. «وڭىرلەردى دامى­تۋد­ىڭ 2020 جىلعا دەيىنگى باعدار­لاماسى 2012 جىلدان بەرى جۇمىس ىستەپ كەلە جاتقانىن بىلەسىزدەر. 2012 جىلى ءبىر شارشى مەتر باس­پا­نانىڭ وزىندىك قۇنى، ياعني ءبىز قۇ­رىلىس كومپانيا­لارىمەن كەلى­ءسىم­شارتتار بەكىتكەن كەزدە ءوڭىر­لەردە 1 شارشى مەتر ءۇشىن – 120 مىڭ تەڭگە، ال الماتى، استانا اتى­راۋ جانە اقتاۋدا 150 مىڭ تەڭ­گە بولدى. 2013-2014 جىلدارى وڭىرلەردە – 132 مىڭ تەڭگە، الماتى مەن استانادا 164 مىڭ تەڭگە دەڭگەيىندە قالىپتاستى. بۇگىندە وڭىرلەردە شارشى مەتر 137 مىڭ تەڭگە تۇرسا، الماتى، استانا، اتىراۋ جانە اقتاۋدا – 171 مىڭ تەڭگە. جىل سايىن ءوسىم 4-4،5 پايىز دەڭگەيىندە بولىپ وتىر»، دەدى ب.پالىمبەتوۆ. ونىڭ اتاپ وتۋىنشە، ۆاليۋتا باعامىنىڭ وزگەرۋىنە بايلانىستى باعالاردىڭ كۇرت ءوسۋى بولجانىپ وتىرعان جوق. «باعانىڭ ارتۋىن ءبىز انىقتامايمىز، ياعني ۇلتتىق ەكونوميكا مينيسترلىگى قۇرىلىس، تۇرعىن ۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتىنە سىلتەمە جاسايمىز»، دەپ ءتۇسىندىردى «سامۇرىق-قازىنا» جىلجىمايتىن مۇلىك قورى» اق باسقارما ءتوراعاسى.
باستىسى، «سامۇرىق-قازىنا» جىلجىمايتىن مۇلىك قورى» اق قازاقستاندىقتارعا باسپانا الۋعا جانە تۇرعىن ءۇي جاعدايىن جاقسارتۋعا شىنايى مۇمكىندىك بەرىپ وتىر، دەيدى ماماندار.

دەرەككوز: ەگەمەن قازاقستان