الماتى قالاسىنداعى «ادەبيەتشىلەر ۇيىندە» قازاقستان جازۋشىلار وداعىنىڭ ۇيىمداستىرۋىمەن ۇلتتىق كوركەم ادەبيەتتى قولداۋ ماقساتىندا قازاق حاندىعىنىڭ 550 جىلدىعىنا وراي وتكىزىلگەن «الاش تاريحىنىڭ اقيقاتى» اتتى جابىق بايگە جەڭىمپازدارىن سالتاناتتى تۇردە ماراپاتتاۋ ءراسىمى بولىپ ءوتتى.
گران پري پروزا 01
كورگانبەك 0«ادەبيەتشىلەر ۇيىندە» وتكەن سالتاناتتى شارانى قازاقستان رەسپۋبليكاسى مادەنيەت جانە سپورت ءمينيسترى ارىستانبەك مۇحامەدي ۇلى قۇتتىقتاۋ سوزبەن اشىپ، بايگە جەڭىمپازدارىنا جىلى لەبىزىن ارنادى. وسى جەردە پرەمەر-مينيستر كارىم ءماسىموۆتىڭ قۇتتىقتاۋ حاتىن وقىپ بەردى. «قازاق حاندىعىنىڭ 550 جىلدىعىنا ارنالعان سالتاناتتى جيىندا ەلباسى نۇرسۇلتان نازاربايەۆ تاريحىمىزعا قاتىستى كوپتەگەن وزەكتى ماسەلەلەردى تارقاتىپ ايتتى. قازاقستان – ۇلى دالا ەلى. تاۋەلسىزدىك – ماڭدايعا بىتكەن باعىمىز، ماڭگى ايالاپ وتەر اماناتىمىز. سىزدەردىڭ شىعارمالارىڭىز ارقىلى ءاربىر ادام بويىندا ۇلتتى ءسۇيۋ مەن ۇلتتىق رۋح قالىپتاسادى. تالانتى مەن كۇش-جىگەرىن حالقىمىزدىڭ يگىلىگىنە ارناعان بارشا قالامگەرلەرىمىزگە شىعارماشىلىق تابىس تىلەيمىن» دەلىنگەن ۇكىمەت باسشىسىنىڭ حاتىندا. سونداي-اق، قازاق قالامگەرلەرىنىڭ ۇلت تاريحىنا ۇلەس قوسقان بايگەلى شىعارمالارى ماراپاتتالعان جيىندا الماتى قالاسى اكىمىنىڭ ءبىرىنشى ورىنباسارى ارمان قىرىقبايەۆ قالا اكىمىنىڭ ارنايى قۇتتىقتاۋ حاتىن وقىپ بەردى.
ەل يگىلىگى ءۇشىن ۇيىمداستىرىلعان شارانى قارجىلاي قولداعان ERG رەسمي وكىلى بولات ورازوۆ وسى توپتىڭ باسقارما ءتوراعاسى الديار قازتايەۆتىڭ جولداعان قۇتتىقتاۋ جەدەلحاتى مەن قازاق قالامگەرلەرىنە دەگەن ىستىق ىقىلاسىن جەتكىزدى. سونىمەن قاتار، قازاقستان جازۋشىلار وداعى باسقارماسىنىڭ ءتوراعاسى، اقىن، سەناتور نۇرلان ورازالين دا جەڭىمپاز قالامگەرلەردى قۇتتىقتاپ، وسىناۋ يگى شارانىڭ وتكىزىلۋىنە ريزاشىلىق بىلدىرگەن ەل ازاماتتارىنىڭ جولداعان جەدەل حاتتارىن حالىققا جەتكىزىپ، ۇلت ادەبيەتى مەن رۋحانياتىنا قولداۋ كورسەتكەن تۇلعالارعا العىس سەزىمىن ءبىلدىردى.
ەۋرازيالىق توپتىڭ (ERG) قارجىلاي دەمەۋشىلىگىمەن جۇزەگە اسقان جابىق بايگە قورجىنىنا پروزا، پوەزيا جانە دراماتۋرگيا سالاسى بويىنشا 200-گە تارتا تۋىندى ءتۇسىپ، ۇزدىك دەپ تانىلعان شىعارمالار «الاش تاريحىنىڭ اقيقاتى» اتتى قوس تومدىققا ەنگىزىلگەن. «ان-ارىس» باسپاسىنان جارىق كورگەن اتالمىش كىتاپتىڭ تۇساۋىن قازاقتىڭ ءدۇلدۇل اقىنى ءىلياس جانسۇگىروۆتىڭ ۇلى سايات جانسۇگىروۆ پەن قازاق كسر-ىنىڭ حالىق ءارتىسى ءسابيت ورازبايەۆ كەسىپ، ۇلتىمىزدىڭ رۋحاني قازىناسىنا قوسىلعان قوس تومدىقتىڭ كوتەرگەن جۇگى مەن ارقالاعان اماناتىنىڭ ماڭىزدىلىعى جونىندە تەبىرەنە سويلەدى.
اتالمىش بايگەدە وزا شاۋىپ، جۇلدەلى ورىنعا يە بولعان تۋىندىلار مەن قالامگەرلەردى اتاپ ايتساق، پروزا جانرى بويىنشا باس جۇلدەنى تىنىمباي نۇرماعانبەتوۆ، 1-ورىندى مومبەك ابداكىم ۇلى، 2-ورىندى تۇرىسبەك ساۋكەتاي، باقىتجان قاناپيانوۆ، قۋانىش جيەنباي، 3-ورىندى ادىلبەك ىبىرايىم ۇلى، توكەن الجانتەگى، اسقار التاي، سەرىك ساعىنتاي يەلەندى. پوەزيا جانرى بويىنشا باس جۇلدەنى سەرىك تۇرعىنبەك ۇلى، 1-ورىندى سايلاۋ بايبوسىن، 2-ورىندى سەرىك اقسۇڭقار ۇلى، ابۋباكىر قايران، جاراس سارسەك، 3-ورىندى قورعانبەك امانجول، باقىتبەك ءبامىش ۇلى، عالىم ءارىپ، ەسكەن ەلۋباي، مىڭباي ءراش، ناۋرىزبەك سارشايەۆ الدى. ال دراماتۋرگيا جانرى بويىنشا باس بايگە يرانبەك ورازبايەۆ، 1-ورىن راحىمجان وتاربايەۆ، 2-ورىن ءسۇلتانالى بالعابايەۆ، دۋمان رامازان، جولتاي المەشتەگى، 3-ورىن نۇرعالي وراز، كەنجەباي احمەت، جاركەن بودەش پەن ماعيرا قوجاحمەتوۆاعا بۇيىردى.
قازاق رۋحانياتى مەن ادەبيەتىن ءدا­ءرىپ­تەگەن سالتاناتتى شارا ۇلت اسپاپتار وركەسترى مەن حالىق ءانىن ورىنداۋشى ونەر قايراتكەرلەرىنىڭ كونسەرتتىك باعدارلاماسىمەن ورنەكتەلدى.

دەرەككوز: ەگەمەن قازاقستان