قايىرىمدىلارعا ارنالعان «التىن جۇرەك» سىيلىعى يەلەرىن تاپتى
جىلداعى ءداستۇر بويىنشا الماتىدا اباي اتىنداعى وپەرا جانە بالەت تەاترىندا قايىرىمدىلىق سالاسىنداعى ۇلتتىق قوعامدىق «التىن جۇرەك» سىيلىعى يەگەرلەرىن ماراپاتتاۋ ءراسىمى بولىپ ءوتتى.
ەلىمىزدىڭ قايىرىمدى ادامدارى مەن ولاردىڭ مەيىرىمدىلىكتىڭ ۇلگىسى بولعان ىستەرىنە «راحمەت!» ايتۋ سالتى 2007 جىلدان بەرى ۇيىمداستىرىلۋدا. وسىلايشا توعىز جىل بويىنا «التىن جۇرەك» ۇيىمداستىرۋشىسى – «باۋىرجان» قايىرىمدىلىق قورى اتالمىش سىيلىقتى تۇراقتى تۇردە تابىستاپ كەلەدى.
ماراپاتتاۋ سالتاناتىنىڭ اشىلۋ راسىمىنىندە الماتى قالاسىنىڭ اكىمى باۋىرجان بايبەك ەلىمىزدە بەلسەندى ازاماتتىق قوعام قالىپتاسقانىن ايتىپ، ونىڭ ءىشىندە ناۋرىزباي اۋدانىنداعى سەلدەن زارداپ شەككەندەرگە قولۇشىن سوزعان جاندارعا ءوز العىسىن ءبىلدىردى.
سونىمەن، «باۋىرجان» قايىرىمدىلىق قورىنىڭ ديرەكتورى جانە سىيلىقتى ۇيىمداستىرۋ كوميتەتىنىڭ ءتورايىمى جۇلدىز وماربەكوۆا سىيلىق تاعايىندالىپ جۇرگەن جىلداردا قازاقستاندىق قايىرىمدىلىق ەۆوليۋسياسىنىڭ كۋاگەرى بولعانىن ايتا كەلە:
– كومەك تەك قانا اقشامەن ءولشەنبەيدى، ءبىزدىڭ نومينانتتاردىڭ قايىرىمدى ىستەرى ءارتۇرلى كولەمدە بولۋى مۇمكىن، باستىسى – ءوز قالاۋىمەن كورسەتىلگەن كومەك بولۋى ءتيىس. ەگەر بۇرىنىراقتا قايىرىمدى ادامدار ۇلەءسىن كوبىنە قارجىلىق مۇمكىندىكتەرى كوپ ادامدار قۇراسا، بۇگىندە ولاردىڭ قاتارىن ەرىكتى ۇيىمدار مەن قاراپايىم ادامدار تولىقتىرۋدا. سوندىقتان بولار، سوڭعى 5 جىل ىشىندە دۇنيەجۇزىلىك قايىرىمدىلىق رەيتينگىسىندە قازاقستان 121-ورىننان 101-ورىنعا دەيىن كوتەرىلدى. الايدا، ءبىز قايىرىمدىلىقتى ءالى دە دامىتا بەرۋىءمىز كەرەك جانە الداعى ۋاقىتتا قايىرىمدى ەلدەردىڭ ءبىرىنشى جۇزدىگىنە، ءتىپتى، ەلۋلىگىنە دە ىلىنەرمىز دەپ ۇمىتتەنەمىن، – دەدى.
قىسقاسى، لاۋرەاتتاردى ماراپاتتاۋ سالتاناتى Turkvision-2014 سايىسىنىڭ جەڭىمپازى جانار دوعالوۆانىڭ ورىنداۋىنداعى «التىن جۇرەك» ءانۇرانىنان باستاۋ الدى. التىن جۇرەكتى جانداردى قولپاشتاۋعا كەلگەن ونەر ساڭلاقتارى – قازاقستاننىڭ حالىق ءارتىسى نۇرجامال ۇسەنبايەۆا، دومبىراشى اسىلبەك ەڭسەپوۆ، سكريپكاشى ءجاميلا سەركەبايەۆا، MEZZO توبى، قۋات باعىسبەك، تولقىن زابيروۆا، الىشەر كارىموۆ سىندى جاندار كەشتىڭ ءارىن كەلءتىردى. اسىرەسە، اتىراۋ قالاسىنان ارنايى كەلگەن ونەرلى ءبۇلدىرشىن نۇرمۇحاممەد جاقىپتىڭ ورىنداۋىنداعى «ءسابي باقىتى» ءانى كورەرمەندەر كوڭىلىن بوساتىپ، جان تەبىرەنتتى.
الدىمەن «جەتىم بالالارعا كورسەتكەن كومەگى ءۇشىن» نوميناسياسى بويىنشا العاشقى لاۋرەات، ياعني 2015 جىلعى «التىن جۇرەك» يەگەرى – اقمولا وبلىسى كەنەسارى اۋىلىندا 11 بالانىڭ اكەسى اتانعان مۇرات قابىلبايەۆتىڭ ەسىمى اتالدى.
«ءبىلىمدى دامىتۋعا قوسقان ۇلەسى ءۇشىن» نوميناسياسى بويىنشا كوپشىلىك جەزقازعان بيزنەس جانە كولىك كوللەدجىنىڭ قۇرىلتايشىسى، ۇزاق ۋاقىت بويى بىلىمگە قولداۋ كورسەتىپ كەلگەن بەكزات التىنبەكوۆكە قول سوقتى.
الماتى قالاسى اتىنان ەرىكتى ەلميرا الييەۆا «دەنساۋلىق ساقتاۋ سالاسىنا كورسەتكەن قولداۋى ءۇشىن» نوميناسياسىن يەلەندى. ونىڭ ارقاسىندا 90 مىڭ دوللاردان استام قاراجات جينالىپ، بىلتىردان بەرى اۋىر سىرقاتتى بالالار مەن ەرەسەك جاندار تۇركيا، يتاليا، وڭتۇستىك كورەيا، قىتايدا ەمدەلگەن.
ال قوعام پىكىرى بويىنشا مۇگەدەكتەرگە وراسان زور كومەك كورسەتكەن «اتىراۋ. مالەنكايا سترانا» وڭالتۋ ورتالىعىنىڭ نەگىزىن قالاۋشى ءارى جەتەكشىسى ەرلان كۇمىسقالييەۆ تا «التىن جۇرەك» مۇسىنىمەن ماراپاتتالدى.
قىزىلوردالىق فيلانتروپ ابزال ەرالييەۆ «سپورتتى قولداپ، ونى دامىتقانى ءۇشىن» نوميناسياسىنىڭ لاۋرەاتى اتاندى. ونىڭ پىكىرىنشە، جاستار ءوز بولاشاعىن وزدەرى تاڭداپ، العا دۇرىس ماقسات قويا ءبىلۋى ءتيىس. ال سپورتتى ءوز جىگەرىن سىناۋداعى باستى مۇمكىندىكتەردىڭ ءبىرى دەپ سانايدى.
ال ارداگەرلەرگە تۇراقتى كومەك كورسەتىپ، ولارعا قامقور بولا ءبىلگەن «ورەول» ج ش س ديرەكتورى سەرگەي كوروتينعا «ارداگەرلەرگە كورسەتكەن قۇرمەتى ءۇشىن» نوميناسياسى بەرىلدى.
«جىل مەسەناتى» اتاعىنا «ارحەولوگيالىق ەكسپەديسيا» ج ش س يە بولدى. ولار ءوز ەسەبىنەن قازاقستاننىڭ تاريحي-مادەني مۇراسىن زەرتتەپ، سوعان وراي تۇسىرگەن دەرەكتى فيلمدەرى كەڭىنەن تارالۋى ءۇشىن تەلەارنالارعا تەگىن وتكىزۋگە ىقپال ەتكەن.
8 جىل بويىنا اقپاراتتىق قايىرىمدىلىقپەن اينالىسىپ، الەۋمەتتىك جوبالارعا قولداۋ كورسەتىپ كەلە جاتقان «ايعاق» تەلەراديوكومپانياسى «اقپاراتتىق قولداۋشى» نوميناسياسىندا اتى اتالدى.
«جىل ۇيىمى» نوميناسياسىندا ەڭ ۇزدىك دەپ رودينا اۋىلى اتىنان «رودينا» اگروفيرماسى تانىلدى. يۆان ساۋەر جەتەكشىلىك ەتەتىن كاسىپورىن كوپ جىلدار بويىنا اۋىل تۇرعىندارىنا، ءوز قىزمەتكەرلەرىنە جان-جاقتى قولداۋ تانىتىپ وتىرعان.
ال يتاليالىق روسسانو توماسەللي «التىن جۇرەك» سىيلىعىنىڭ «قازاقستاننىڭ وركەندەۋىنە قوسقان ۇلەسى ءۇشىن» نوميناسياسى بويىنشا ماراپاتتالدى.
سول سياقتى كەش قوناقتارى سوڭعى جىلداعى مەيىرىمدى جانە قايىرىمدى ىستەرمەن تانىستىراتىن «100 قايىرىمدى ءىس» اتتى فوتوكورمە ۇيىمداستىرىلدى.
"قامشى"سىلتەيدى
دەرەككوز: ەگەمەن قازاقستان
