تاياۋدا وبلىس ورتالىعىندا كوپقاباتتى تۇرعىن ءۇي پايدالانۋعا بەرىلدى.
قالاداعى ءسىبىر كوشەسى 87 ءۇي مەكەن-جايى بويىنشا ورنالاسقان جاڭا ۇيدەن 108 وتباسى پاتەر الىپ، قۋانىشقا كەنەلدى. ال، قۋانىشقا كەنەلگەن بۇل تۇرعىندار تۇرعىن ءۇي قۇرىلىس جيناق بانكى سالىمشىلارى بولىپ تابىلادى. قۇرىلىسى وتكەن جىلدىڭ ورتاسىندا باستالعان تۇرعىن ءۇي ءدال ۋاقىتىندا بەرىلدى، ءۇمىت اقتالدى، دەپ وتىر سالىمشىلار. ياعني، «وڭىرلەردى دامىتۋدىڭ 2020 جىلعا دەيىنگى باعدارلاماسى» اياسىندا «قازاقستاننىڭ تۇرعىن ءۇي قۇرىلىس جيناق بانكى» اق سالىمشىلارى مەن جالگەرلىك تۇرعىن ۇيگە كەزەكتە تۇرعان ادامدار پاتەر الدى. پاتەر كىلتتەرىن وبلىس اكىمى قانات بوزىمبايەۆ تابىستادى.
– وڭىردە ەلباسىنىڭ قازاق­ستاندىقتاردىڭ ءومىر ساپاسىن ارت­تىرۋعا باعىتتالعان ساياساتى ىسكە اسىرىلۋدا. جىل سوڭىنا دەيىن وبلىس ورتالىعىنداعى تولستوي كوشەسى 96، گاگارين-ۆورۋشين كوشەلەرىنىڭ قيىلىستارىندا ورنالاسقان تاعى ەكى ءۇيدى پايدالانۋعا بەرۋدى جوسپارلاپ وتىرمىز. بۇل كەزدە قالانىڭ 144 تۇرعىنى جاڭا پاتەرلەرگە قول جەت­كىزەدى، – دەپ اتاپ ءوتتى وبلىس اكىمى.
قونىس تويىن تويلاعانداردىڭ ءبىرى – داۋىتوۆتەر وتباسى. ولار سەگىز جىل بويى جالدامالى پاتەردە تۇرىپتى. بۇگىن مىنە، جاس وتباسى جەكە پاتەرگە يە بولدى.
– ەندى قىزدارىمىز ءاديا مەن ايزارانىڭ ءوز بولمەلەرى بار، – دەيدى انالارى ايگۇل.
بانك باسقارما ءتوراعاسىنىڭ ورىن­باسارى ەربول قاراشوكەيەۆتىڭ اي­تۋ­ىن­شا، پايدالانۋعا بەرىلگەن بۇل ءۇي وڭىرلەردى دامىتۋ باعدار­لا­ما­سى اياسىندا جۇزەگە اسۋدا. ياعني، «وڭىرلەردى دامىتۋدىڭ 2020 جىل­­عا دەيىن­گى باعدارلاماسى» بويىن­شا تۇرعىن ءۇي قۇرىلىسىنىڭ بىرنەشە با­عىتى ىسكە اسىرىلۋدا. ولار كرە­ديت­تىك تۇرعىن ءۇي، جەرگى­لىكتى اتقارۋ­شى ورگاندار ارقى­لى كەزەكتە تۇر­عان تۇرعىندارعا بەرى­لەتىن جال­گەرلىك تۇرعىن ءۇي، جاس وتبا­سىلارعا ارنالعان جالگەرلىك ءۇي، كوم­مەر­سيالىق تۇرعىن ءۇي، «قيك» اق ارقىلى بەرىلەتىن تۇرعىن ءۇي جانە جەكە تۇرعىن ءۇي قۇرىلىسى بو­لىپ جالعاسا بەرەدى. سوندىقتان تۇر­عىن ءۇي قۇرىلىس جيناق بانكىنىڭ دە قوسقان ۇلەسى مول.

دەرەككوز: ەگەمەن قازاقستان