جۇمىس ساپارىمەن قوس­تا­نايعا كەلگەن «نۇر وتان» پار­تياسى ءتوراعاسىنىڭ ءبىرىن­ءشى ورىنباسارى اسقار مىرزاح­مەتوۆ پارتيانىڭ وبلىستىق فيليالىنىڭ كەزەكتەن تىس ءححى كونفەرەنسياسىنا قاتىستى. وبلىستىڭ، اۋداننىڭ باسشىلارى، كاسىپكەرلەر، پارتيا بەلسەندىلەرى قاتىسقان وبلىستىق فيليالدىڭ بۇل كونفەرەنسياسىندا الدىمەن فيليالدىڭ جاڭا ءتوراعالىعىنا ءوڭىردىڭ جاڭا باسشىسى ارحيمەد مۇحامبەتوۆ ءبىراۋىزدان سايلاندى.
اسقار يسابەك ۇلى في­ليال­دىڭ پارتيا ىسىندە ءتاجىري­بەسى مول جاڭا باسشىسىنا تابىستار تىلەپ، ونىڭ جۇمى­سىن الداعى ۋاقىتتا بيىكتەرگە كوتەرەتىنىنە سەنىم ءبىلدىردى، كۋالىگىن تابىستادى. ءوز كەزەگىندە وبلىستىق فيليالدىڭ جاڭا ءتوراعاسى، وبلىس اكىمى ارحيمەد مۇ­حام­بەتوۆ تە بارلىق يگى ءتاجىري­بەلەرىن پارتيا جۇمى­سىنىڭ جاقسارۋىنا جۇمساي­تىنىن مالىمدەي وتىرىپ، وزىنە ارتىلعان سەنىم ءۇشىن راحمەت ايتتى.
وبلىستىق فيليال ءتور­اعا­سىنىڭ ءبىرىنشى ورىنباسارى ءاليا ساپاروۆا بايانداماسىندا باستاۋىش ۇيىمدار جۇمىسىنا ناقتى توقتالدى. وبلىستىق فيليال پارتيانىڭ ەلىمىزدەگى ەڭ ءىرى ۇيىمدارىنىڭ بىرىنەن سانالادى. بۇگىندە پارتيانىڭ وبلىستىق قۇرىلىمىندا 22 فيليال جۇمىس ىستەيدى. پارتيا مۇشەلەرىنىڭ سانى 61 213 ادام بولىپ وتىر. جىل باسىنان بەرى پارتيا قاتارىنا قابىلدانعان 2 459 ادامنىڭ 1 894ء-ى شاعىن جانە ورتا كاسىپكەرلىك وكىلدەرى. ءاليا سۇيىندىك قىزى مۇنى ورتالىق اپپاراتتىڭ پارتيا قاتارىن تولىقتىرۋدا جالاڭ ساننان ساپاعا نازار اۋدارۋ جونىندەگى قويىپ وتىرعان تالابىن ورىنداۋعا باعىتتالعان جۇمىستاردىڭ ءبىر ساراسى ەكەنىن ايتىپ ءوتتى.
– وبلىستا 445 باستاۋىش پارتيا ۇيىمى قىزمەت جاسايدى. بۇل ۇيىمداردىڭ جەلىسىن ۇدايى جەتىلدىرۋمەن قاتار، ولاردىڭ قىزمەتىن ءاربىر ازاماتتىڭ ومىرىنە وڭ ىقپالىن تيگىزە الاتىنداي ءتيىمدى دەڭگەيدە ۇيىمداستىرۋ باعىتىندا ىزدەنىپ كەلەمىز. وتكەن جىلى ىرىلەندىرىلگەن باستاۋىش پارتيا ۇيىمدارىنىڭ ىشىنەن 1000-نان استام پارتيا توپتارى قۇرىلدى، – دەدى وبلىستىق فيليال ءتوراعاسىنىڭ ءبىرىنشى ورىنباسارى ءاليا ساپاروۆا.
ساپا بولۋ ءۇشىن باستاۋىش پارتيا جەتەكشىلەرىنىڭ ساياسي جۇمىس، پارتيا تالابى مەن ونىڭ ماقساتى تۋرالى ءبىلىمى مەن بىلىگى كوتەرىلۋى ءتيىس، سوندا عانا جەرگىلىكتى جەرلەردە اتقارىلعان جۇمىستار جاندانا تۇسەرى حاق. سول ءۇشىن وبلىس وڭىرىندەگى 90 باستاۋىش ۇيىمنىڭ ءتوراعالارى پارتيانىڭ ورتالىق اپپاراتىنىڭ ساياسي مەنەدجمەنت مەكتەبى ۇيىمداستىرعان بىلىكتىلىكتى ارتتىرۋ كۋرستارىندا وقىپ كەلدى. باستاۋىش ۇيىمدار جۇمىس ىستەگەندە عانا پارتيا جۇمىسىنىڭ ناتيجەسى بولادى. ولاردىڭ اراسىندا دا جۇمىستىڭ جۇرۋىنە ىقپالى بولار باسەكە، جارىس بولۋى ءتيىس. بۇل باستاۋىش ۇيىمداردىڭ حالىقتى وزىنە كوبىرەك تارتۋىنا ىقپال ەتەدى. سوندىقتان «ەڭ ۇزدىك باستاۋىش پارتيا ۇيىمدارى» رەسپۋبليكالىق بايقاۋى ەلىمىزدەگى پارتيا ۇيىمدارىنىڭ حالىقپەن تىعىز بايلانىس ورناتۋداعى الەۋەتىن، قابىلەتتەرى مەن بۇگىنگى قىزمەتىن باعالاۋعا جول اشتى. بايقاۋدىڭ اۋماقتىق كولەمدەگى ءبىرىنشى اينالىمىنىڭ قورىتىندىسى بويىنشا 342 باستاۋىش پارتيا ۇيىمى ىرىكتەلىپ شىقسا، وبلىستىق سايىسقا جەڭىمپاز بولىپ تانىلعان 43 ۇيىم ءوتتى. كەلەسى رەسپۋبليكالىق دەڭگەيگە لايىقتى دەگەن ۇيىم ساراپتاۋدان وتۋدە. سوڭعى ەكى ايدىڭ ىشىندە 500 جۇمىسكەرى بار ۇلكەن ەكى كاسىپورىندا پارتيانىڭ باستاۋىش ۇيىمى ىسكە كىرىستى.
كونفەرەنسيادا پارتيانىڭ باستاۋىش ۇيىمى جۇمىس ىستەيتىن مەڭدىعارا اۋدانىنداعى «قارقىن» جاۋاپكەرشىلىگى شەكتەۋلى سەرىكتەستىگىنىڭ ديرەكتورى، قازاقستاننىڭ ەڭبەك ەرى سايران بۇقانوۆ ءسوز الدى. ول اۋىل شارۋاشىلىعى جەتىستىكتەرىمەن قاتار، الدان شىعىپ وتىرعان پروبلەمالارعا توقتالدى. مەملەكەتتىڭ اۋىل شارۋاشىلىعىنا جاساپ وتىرعان قامقورلىعى ۇشان-تەڭىز ەكەنىن، «سىباعا»، «التىن اسىق»، «قۇلان» باعدارلامالارىنىڭ دا پايداسىن اۋىل تۇرعىندارى سەزىنىپ وتىرعانىن، مال سانى بۇرىنعىدان كوبەيىپ كەلە جاتقانىن ايتتى.
– دەگەنمەن، كەيبىر ماسەلەلەردىڭ شەشىمى قايتا قارالماسا، ول اۋىل شارۋاشىلىعىنداعى ونىمدىلىكتىڭ تومەندەۋىنە اسەر ەتەدى. ءقازىر مايلى داقىلدارعا سۇرانىس ۇلكەن. الايدا، داقىلدىڭ بۇل تۇرىنە بەرىلەتىن سۋبسيديا بۇرىنعىداي گەكتارىنا تولەنبەسە، ديقاندار ونىڭ القابىن ازايتۋى ابدەن ىقتيمال. سونىمەن قاتار، مايلى داقىلداردىڭ تۇقىمىن سىرتتان الامىز. ونى وزىمىزدە شىعاراتىن جاعداي جاسالۋى ءتيىس، سوندا ديقان شىعىنى ازايادى، – دەدى سايران بالكەن ۇلى.
«نۇر وتان» پارتياسى ءتوراعاسىنىڭ ءبىرىنشى ورىنباسارى اسقار مىرزاحمەتوۆ وسى جۇمىستاردىڭ باستى ماقساتى ەلباسى، پارتيا ءتوراعاسى اتاپ وتكەندەي، «قاراپايىم حالىقتى تولعاندىراتىن وزەكتى ماسەلەلەردى ەسكەرۋسىز قالدىرماۋ، پارتيانىڭ وڭىرلەردەگى جۇمىسىن نىعايتۋ» ەكەندىگىن جەتكىزدى. جەرگىلىكتى فيليالداردىڭ قادرلىق الەۋەتىنىڭ ارتقانى ولارعا جۇكتەلىپ وتىرعان ناقتى جۇمىستار ساپاسىنىڭ ارتۋىنا مۇمكىندىك بەرەتىنىن اتاپ كورسەتتى. ورتالىقتا بۇل ماسەلە ەرەكشە نازارعا الىنىپ، فيليالدار قىزمەتىن باعالاۋعا ارنالعان نىسانالى ينديكاتورار ازىرلەنگەنى ايتىلدى. پارتيا فيليالدارى جۇمىسىنىڭ تيىمدىلىگىن ارتتىرۋ ماقساتىندا پارتيا ءتوراعاسىنىڭ ءبىرىنشى ورىنباسارى مەن وڭىرلىك فيليالدار اراسىندا مەموراندۋمعا قول قويىلماق. بۇل قۇجات ناقتى كورسەتكىشتەر مەن ينديكاتورلار ارقىلى «نۇرلى جول» باعدارلاماسىن، سول سياقتى مەملەكەتتىك جانە سالالىق باعدارلامالاردى جۇزەگە اسىرۋدى، بيۋدجەتتىڭ اتقارىلۋىنا پارتيالىق باقىلاۋ جۇرگىزۋدى قاراستىرادى.
اسقار مىرزاحمەتوۆ ەلباسى قويعان مىندەتتەردى ورىنداۋ بارىسىندا پارتيا ىقپالىن كۇشەيتۋ ءۇشىن پارتيا ىشىندە جاسالىپ جاتقان جۇمىستارعا دا توقتالدى. سونداي-اق، «نۇر وتان» پارتياسىنىڭ عيماراتىندا وبلىستىڭ تاڭداۋلى بەلسەندى جاستارىمەن كەزدەستى. اسقار يسابەك ۇلى جاستاردىڭ بۇگىنگى كۇننىڭ وزەكتى ماسەلەلەرىن قوزعاعان ءتۇرلى سۇراقتارىنا جاۋاپ بەردى. ساپارىنىڭ سوڭىنا قاراي، اسقار مىرزاحمەتوۆ قوستاناي قالاسىنداعى جەلتوقسان ايىندا تاپسىرىلاتىن كوپ قاباتتى تۇرعىن ءۇيدىڭ قۇرىلىسى جۇمىسىمەن تانىستى.

دەرەككوز: ەگەمەن قازاقستان