بۇكىلالەمدىك جەتىستىكتەر كورمەسى شەجىرەسىندە اسا تابىستى وتكەن كورمەلەردىڭ ءبىرى دەپ باعالانعان يتالياداعى «EXPO MILANO-2015» كورمەسى سالتاناتتى جاعدايدا جابىلدى. ميلان كورمەسىنىڭ جابىلۋ سالتاناتىندا ەكسپو تۋى قازاقستان رەسپۋبليكاسىنا تاپسىرىلدى.
تورتكۇل دۇنيەنىڭ نازارى اۋعان ميلان قالاسىنداعى ەكسپو كورمەسىنىڭ جابىلۋ شارا­سىنا ارنالعان القالى جيىندا حالىقارالىق كورمەلەر بيۋروسىنىڭ باس حاتشىسى ۆيسەنتە لوسسەرتالەس جانە ەكسپو-2015 كورمەسىنىڭ باس كوميسسارى برۋنو پاسكۋينو سالتاناتتى جاعدايدا «استانا ەكسپو-2017» ۇلتتىق كومپانياسى» اق باسقارماسىنىڭ باسشىسى احمەتجان ەسىموۆ پەن باس كوميسسار جانە ەكسپو-2017ء-نىڭ كوميسسارى ءراپىل جوشىبايەۆقا ەكسپو كورمەسىنىڭ تۋىن تاپسىردى. يتاليا رەسپۋبليكاسىنىڭ پرەزيدەنتى سەردجيو ماتارەللا ميلان قالاسىندا 6 اي بويى جال­عاسقان بۇكىلالەمدىك جەتىس­تىكتەر كورمەسىنىڭ جابىلۋ سالتاناتىندا سويلەگەن سوزىندە يتاليادا ءوت­كەن كورمەگە قاتى­سۋشى­لاردىڭ بار­لىعىنا شەكسىز العى­سىن ءبىلدىرىپ، «استانا ەكسپو-2017ء-نىڭ» ءساتتى وتۋىنە شى­نايى تىلەگىن ءبىلدىردى.
بۇكىلالەمدىك جەتىستىكتەر كورمەسىنىڭ تاريحىندا ميلاندا وتكەن «ەكسپو-2015» كورمەسى ەڭ ءسات­ءتى كورمەلەردىڭ ءبىرى دەپ باعا­لاندى. بۇل كورمەنى 21 ميلليوننان استام ادام تاماشالاعان كورىنەدى. الەمنىڭ جەتەكشى مەملەكەتتەرى قاتىسقان بۇل كورمەدە قازاقستان رەسپۋبليكاسىنىڭ ۇلتتىق پاۆيل­ونى «كونتەنت جانە تاقى­رىپتى ۇزدىك اشۋ» نوميناسياسى بويىنشا ەڭ ۇزدىك ۇشتىكتىڭ قاتارىنان تابىلدى.
بۇدان بۇرىن حابار­لا­عانى­مىزداي، 23 قازاندا قازاقستان پاۆيلونىنىڭ ميلليونشى قو­ناعى بولىپ يتاليانىڭ تۇرعىنى دانيەلە بەرگو تانىلعان بولاتىن. ميلانداعى قازاقستان پاۆيلونىن كورمە وتكەن مەرزىمدە كۇن سايىن 5 مىڭ ادام تاماشالاپ وتىرعان.
ءسويتىپ، بۇكىلالەمدىك جەتىس­تىكتەر كورمەسىنىڭ تۋى قازاقستانعا تاپسىرىلدى. ەسكە سالا كەتەتىن بولساق، 2012 جىلدىڭ 22 قارا­شا­سىندا وتكەن حكب-نىڭ 152ء-شى باس اسسامبلەياسىندا جاسىرىن داۋىس بەرۋ ناتيجەسىندە قازاقستان رەس­پۋب­ليكاسىنىڭ ەلورداسى – استانا قالاسى ەكسپو-2017 حالىق­ارالىق مامانداندىرىلعان كور­مەسىن وتكىزۋ قۇرمەتىن جەڭىپ العان ەدى. «استانا ەكسپو-2017» حا­لىقارالىق مامانداندىرىلعان كورمەسىنىڭ باستى تاقىرىبى – «بولاشاقتىڭ ەنەرگياسى» دەپ بەلگىلەندى. بۇل – جىلدان-جىلعا پلانەتامىزعا تيگىزەتىن اسەرى ارتىپ كەلە جاتقان ادامزاتتىڭ ەنەر­گەتيكالىق تۇتىنۋ پروبلەما­سىنا دەگەن حالىقارالىق قاۋىم­­داستىقتىڭ ۇلكەن الاڭداۋ­شىلىعىن ايقىندايتىن وزەكتى تاقىرىپ. ەكسپو-2017 كورمە­ءسىنىڭ باستى تاقىرىبى مىنان­داي باعىتتار شەڭبەرىندە ايقىن­دالماق. ولار: قورشاعان ورتاعا كومىرقىشقىل گازىن شىعارۋ كولەمىن ازايتۋ؛ ءتيىمدى ەنەرگەتيكا جاعدايىنداعى ءومىر سالتى؛ بار­شاعا بىردەي ەنەرگيا.
كورمەلەر تاريحىنىڭ شە­ءجى­رەسىندە العاش رەت قازاقستان تۋى 1998 جىلى ليسسابون قالا­سىندا وتكەن ەكسپو حالىقارالىق ما­مانداندىرىلعان كورمەسىندە جەلبىرەگەن ەدى. سودان كەيىن قازاقستان 2005 جىلى جاپونيانىڭ ناگويا قالاسىندا وتكەن حالىق­ارالىق كورمەگە تولىققاندى مۇشە رەتىندە قاتىستى. ودان كەيىن قازاقستان رەسپۋبليكاسىنىڭ كوك بايراعى 2008 جىلى يسپا­نيا­نىڭ ساراگوس، 2010 جىلى ءقحر-دىڭ شانحاي، 2012 جىلى كورەيا رەسپۋبليكاسىنىڭ يوسۋ قالا­­لارىندا وتكەن بۇكىلالەمدىك جەتىستىكتەر كورمەسىندە جەلبىرەدى.
ەلورداداعى ەكسپو-2017 كور­مەسى 2017 جىلدىڭ 10 ماۋسىمىندا باستالىپ، 10 قىركۇيەگىنە دەيىن جالعاسادى دەپ جوسپارلانۋدا. كورمەگە 100 مەملەكەتتىڭ وكىلدەرى قاتىسادى دەپ كۇتىلۋدە. قازىرگى كۇنگە دەيىن الەمنىڭ 51 مەملەكەتى جانە 11 حالىقارالىق ۇيىمى «استانا ەكسپو-2017» كورمەسىنە قا­تىساتىندىعىن راستادى.

دەرەككوز: ەگەمەن قازاقستان