بۇگىن ۇكىمەتتىڭ كەڭەيتىلگەن ءماجىلىسىن وتكىزگەن ەلباسى نۇرسۇلتان نازاربايەۆ قارجى ءمينيسترى باقىت سۇلتانوۆتىڭ قىزمەتىنە كوڭىلى تولمايتىنىن ايتتى. بۇل تۋرالى «قامشى» پورتالى حابارلايدى.
«ەگەر بىزدە دۇرىس قارجى ءمينيسترى، قازىناشى بولسا، ول ءاربىر تيىندى مۇقيات ساناعان بولار ەدى. شاماسى، بۇل ورىنعا جامىشيەۆتى قويۋ كەرەك سياقتى. ول بالكىم ءبىراز ادامدارعا تىك مىنەزىمەن ۇنامايتىن شىعار. كەيدە ماعان دا ۇنامايدى. ءبىراق ول تىك مىنەزىمەن مەملەكەت مۇددەسى ءۇشىن جۇمىس ىستەي الادى» دەدى پرەزيدەنت ۇكىمەت مۇشەلەرىمەن وتكىزگەن جيىندا.
بۇگىن اق وردادا ەلباسى ۇكىمەتتىڭ كەڭەيتىلگەن جيىنىن وتكىزىپ، 2015 جىلعى الەۋمەتتىك-ەكونوميكالىق دامۋدىڭ جاي-جاپسارىن تالقىلاعانىن ەستەرىڭىزگە سالامىز.
پىكىر قالدىرۋ