اق وردادا ۇكىمەتتىڭ كەڭەيتىلگەن جيىنىن وتكىزگەن پرەزيدەنت نۇرسۇلتان نازاربايەۆ قازاقستاندىقتاردى جاڭا شىندىقپەن، ياعني، ەنەرگيا تاسىمالداۋ مەن ەكسپورتتىق تاۋارلاردىڭ قازىرگى باعالارىمەن ءومىر سۇرۋگە ۇيرەنۋگە شاقىردى.

«ءقازىر «جاڭاشا قالىپتى جاعداي» دەۋ سانگە اينالدى. بۇنىڭ نەسى قالىپتى جاعداي؟ ەشقانداي دا قالىپتى جاعداي ەمەس؟ بۇل ءبىز ءومىر ءسۇرىپ وتىرعان رەالدىلىق. ءومىر ءسۇرۋدى ۇيرەنۋ كەرەك. بۇل ءسوزدىڭ ءمانى وسىندا. ءقازىر ەنەرگيا تاسىمالداۋشىلاردىڭ، ەكسپورتتىق تاۋارلاردىڭ جاڭا باعاسىن كورىپ وتىرمىز. وسى رەالدىلىق جاعدايىندا ءومىر ءسۇرۋ كەرەك. مولشىلىق كەزدە حالىق تا، ۇكىمەت تە شالقىپ ءومىر سۇرۋگە داعدىلانىپ العان. ءقازىر ءبىز مەملەكەتتىك شىعىنداردى 1،5 تريلليون تەڭگەگە قىسقارتىپ وتىرمىز. وسىنشاما قاراجاتتى شىعىنداپ كەلگەنبىز. قاجەت بولسا، شىعىنداردى تاعى دا قىسقارتۋعا بولادى، ارينە» دەدى پرەزيدەنت.

سونداي-اق، پرەزيدەنت 20 ميلليون توننا استىق جيناعان اگرارلىق سەكتور ەڭبەككەرلەرىنە العىس ءبىلدىردى. بۇل سالاعا الدا دا ەرەكشە نازار اۋدارىلاتىنىن جەتكىزدى.