ۇلتتىق بانك ءتوراعاسى دانيار اقىشيەۆ اق وردادا وتكەن ۇكىمەتتىڭ كەڭەيتىلگەن وتىرىسىندا ۆاليۋتا باعامىنا قاتىستى بولجامدارىمەن ءبولىستى.
«ءقازىر بيرجادا ءبىز كورىپ وتىرعان باعام ۇلتتىق بانكتىڭ ارالاسۋىنسىز قالىپتاسىپ وتىر. ۆاليۋتا ايىبراسىنىڭ قازىرگى باعامى مۇناي، رەسەي ءرىبلىنىڭ باعامى، جۇڭگو مەن رەسەي سىندى ەلدەردەگى ەكونوميكالىق جاعدايعا بايلانىستى سىرتقى فاكتورلارعا ساي كەلەدى. تەڭگە قازىرگى ۋاقىتتا رۋبلگە قاراعاندا باسىمدىققا يە بولىپ وتىر. باعامنىڭ جاقىن كۇندەرى وزگەرە قويۋى ەكىتالاي. جاعىمسىز سەناريلەردىڭ ءبىرازى وسى ۋاقىتا دەيىن بولىپ قويدى» دەگەن د. اقىشيەۆ بۇل ماسەلەدە مۇناي باعاسىنا بەت تۇزەيتىندەرىن ايتتى.
«ەگەر مۇناي باعاسى باررەلىنە 40 دوللاردان تومەندەسە، ۆاليۋتا باعامىنا تۇزەتۋ ەنگىزۋگە ءماجبۇر بولامىز» دەدى ول.
پىكىر قالدىرۋ