الماتى وبلىسىندا جىل باسىندا ەلباسىنىڭ باستاماسىمەن ەلىمىزدە جاريالانعان «قازاقستاندا جاسالعان» اكسياسى اياسىندا ءبىرقاتار ناقتى جۇمىستار اتقارىلدى.
اكسيانى قولداۋعا وراي قولعا الىنعان «حالىقتىق ماركا» جالپىۇلتتىق كونكۋرسى كاسىپكەرلىك سالاسىنداعى كوشباسشىلاردى انىقتاۋعا مۇمكىندىك بەرەدى. باستى ماقساتى – ەلىمىزدە شىعارىلعان تاۋارلار مەن ونىمدەردىڭ تانىمالدىعىن ارتتىرۋ ارقىلى وتاندىق تاۋاروندىرۋشىلەردىڭ مۇمكىندىكتەرىن كەڭەيتۋ بولىپ تابىلاتىن رەسپۋبليكالىق كونكۋرسقا جەتىسۋ ءوڭىرى اتىنان قاتىساتىندار اراسىندا ونىمدەرى وبلىس تۇرعىندارىنىڭ تالعامىنان شىعىپ، تاڭداۋىنا يە بولعان «كوگەر لتد» ج ش س قۇس فابريكاسى دا بار.
الماتى وبلىسى ورتالىعىنىڭ ىرگەسىندە ورنالاسقان كاءسىپورىن يننوۆاسيالىق جولدى تاڭداۋدىڭ ارقاسىندا تاۋىق جۇمىرتقاسى ءوندىرىسىنىڭ كولەمىن اناعۇرلىم ارتتىرىپ قانا قويماي، جۇمىرتقالىق باعىتتاعى «لومان براۋن-كلاسسيك» تاۋىق تۇقىمىنىڭ مەكيەندەرىن ءوسىرۋ مەن كوبەيتۋ جونىندەگى ەلىمىزدەگى بىردەن-بىر اسىلتۇقىمدى شارۋاشىلىق اتاندى. فابريكاداعى سەلەكسيالىق جۇمىس قۇستى ءوسىرۋءدىڭ بىرنەشە وپەراسيالارى مەن كەزەڭدەرىنەن تۇرادى. مەكيەن بولاتىن بالاپانداردى اكەلۋدەن باستاپ، ولاردى ءوسىرۋ، ينكۋباسيالىق جۇمىرتقالار الىپ، ولاردان بالاپان ءوربىتۋ سىندى جۇمىستاردىڭ اقتىق ءناتيجەسىندە، ءونىمنىڭ وزىندىك قۇنى تومەندەپ، قارجىنىڭ سىرتقا كەتۋى بارىنشا ازايادى.
سوڭعى جىلدارى جاڭا تەحنولوگيالاردى ەنگىزۋدە بەلسەندىلىك تانىتقان اتالمىش كاسىپورىندا اۆتوماتتاندىرۋ ءبىرىنشى ورىنعا شىققان. قول ەڭبەگى بارىنشا ازايعان. جۇمىسشىلار وزدەرىنىڭ الەۋمەتتىك كەپىلدىكتەرىن تۇراقتى پايدالانادى. ەڭبەكاقىنى ۋاقىتىندا تولەۋ، جۇمىس ورنىنا الىپ كەلىپ، تۇرعىلىقتى جەرگە قايتا اپارىپ تاستاۋ مۇنداعى بۇلجىماس ءتارتىپءتىڭ باستىلارى.
الماتى، سەمەي، وسكەمەن، قىزىلوردا، اياگوز قالالارىنا ءتاۋلىگىنە جارتى ميلليوننان استام جۇمىرتقا جونەلتىلەدى. تاۋار ەلىءمىزدىڭ ءار قيىرىنداعى ساۋدا نۇكتەلەرىنە كاسىپورىنداعى مامانداندىرىلعان كولىكتەرمەن جەتكىزىلەدى. باستى نارىق – وڭءتۇستىك استانا بولىپ تابىلادى. قۇس فابريكاسى الماتى قالاسىنىڭ ماڭىنان ازىق-تۇلىك بەلدەۋىن قۇرۋعا ۇلكەن ۇلەس قوسىپ وتىر.
بيىل كاسىپورىن «التىن ساپا» كونكۋرسىنىڭ «ۇزدىك وندىرىستىك تاۋار» اتالىمى بويىنشا جەڭىمپاز اتاندى.
– بۇل جەڭىس – بىزدەر ءۇشىن ءۇلكەن جەتىستىك. سونىمەن بىرگە تۇتىنۋشىلار الدىنداعى جاۋاپكەرشىلىگىمىزدى بارىنشا ارتتىرا ءتۇسەدى. ءبىز ءاردايىم ساپانى باستى نازاردا ۇستايمىز. ءوز سالامىزدا ۇزدىكتەر قاتارىنان كورىنۋگە تىرىسامىز، – دەيدى باس ديرەكتوردىڭ ءوندىرىس جونىندەگى ورىنباسارى سۆەتلانا يۆانوۆا.
قۇس فابريكاسىنىڭ الدىندا ۇلكەن اسۋلار مەن جاۋاپتى كەزەڭدەر كۇتىپ تۇر. سونىڭ ءبىرى «حالىقتىق ماركا» رەسپۋبليكالىق بايقاۋىندا وبلىس نامىسىن ابىرويمەن قورعاۋ.
دەرەككوز: ايقىن-اقپارات
پىكىر قالدىرۋ