بيىل وبلىستىق مادەنيەت، مۇراعات مەكەمەلەرىنە مەملەكەتتىك بيۋدجەتتەن 1 ملن 651 مىڭ تەڭگە ءبولىنىپ، 99،9% يگەرىلدى.
ونىڭ ىشىندە كۇردەلى جوندەۋ جۇمىستارىنا 545،6 ملن تەڭگە قاراستىرىلدى. وبلىستىق ءماسليحات شەشىمىمەن بيۋدجەتكە قوسىمشا 16،7 ملن تەڭگە ءبولىندى.
بۇگىندە مادەنيەت جانە مۇرا­عات مەكەمەلەرىنىڭ جەلىسىنە 562 نىسان كىرەدى. ونىڭ ىشىندە: 245 مادەنيەت ۇيلەرى مەن كلۋبتار، 268 كىتاپحانا، 21 مۋزەي، 2 گالەرەيا، 19 مۇراعات، 5 وبلىستىق مادەنيەت مەكە­مەلەرى جانە 2 ۆيدەوموبيل بار.
بيىل وبلىستىق مادەنيەت مەكە­مەلەرىنىڭ سانى پانفيلوۆ اۋدانىنىڭ ديحانقايرات اۋىلدىق كلۋبى مەن كىتاپحاناسى، تالدى­قورعان قالاسىنىڭ ەڭبەك اۋىلدىق كلۋبىمەن تولىقتى. 8 مادەنيەت نى­ساندارىنا كۇردەلى جوندەۋ جۇ­مىس­تارى جۇرگىزىلۋدە. مەملەكەتتىك بيۋدجەتتەن قاراساي اۋداندىق مادەنيەت ءۇيى مەن تالعار اۋداندىق كىتاپحاناسى، جەرگىلىكتى بيۋدجەت­تەن بيكەن ريموۆا اتىنداعى وب­لىس­تىق دراما تەاترى، جامبىل اۋدانىنداعى ءسۇيىنباي جانە جام­بىل مۋزەيلەرى، قاپشاعاي قالا­لىق كىتاپحاناسى، ەسكەلدى اۋدانىنداعى ن.الدابەرگەنوۆ مۋزەيى جانە بالقاش اۋدانىنداعى باقباقتى اۋىلدىق مادەنيەت ءۇيى­ءنىڭ جوندەۋ جۇمىستارى اياقتالدى.
بيىلعى جىلدىڭ 9 ايىندا 31 مىڭنان استام شارا وتكىزىلىپ، 5 ملن 350 ادام قامتىلدى. 2014 جىلعى 9 ايدا وتكىزىلگەن شارالارعا قاراعاندا 10 پايىزعا ارتتى. وسى كەزەڭدە وبلىستىق مادەنيەت مە­كەمەلەرى 15 ميلليوننان استام تەڭگەگە اقىلى قىزمەت اتقاردى. وتكەن جىلمەن سالىستىرعاندا، ءسۇيىنباي اتىنداعى وبلىستىق في­لارمونيانىڭ رەپەرتۋارى جاڭار­تىلىپ، وتكىزگەن كونسەرتتەرىنىڭ سا­نى 53-كە ارتىپ، 139-عا جەتتى. ونىڭ ىشىندە 45 گاسترولدىك ساپار بار. ال «قۇلانساز» فولكلورلى-ەتنوگرافيالىق ءانسامبلى بيىل 2440 ادامنىڭ قاتىسۋىمەن 38 كونسەرت ۇيىمداستىردى. ونىڭ ىشىندە 10-ى – گاسترولدىك ساپار. بيكەن ريموۆا اتىنداعى وبلىس­تىق دراما تەاترى ساحناسىندا 60-قا جۋىق سپەكتاكل قويىلىپ، 8 مىڭداي كورەرمەن قامتىلدى. كۇردەلى جوندەۋ جۇمىستارىنا 95،6 ملن تەڭگە قارجى قاراستى­رىلدى.
ءسويتىپ، بارلىق مادەنيەت ۇيلەرى مەن كلۋبتاردا وتكەن جىلى 21 مىڭنان اسا شارا وتكىزىلسە، بيىل 24 مىڭعا جۋىق ءىس-شارالار ۇيىمداستىرىلىپ، اۋداندىق، قالالىق مادەنيەت ۇيلەردىڭ تابى­سى 28 ملن تەڭگەدەن اسقان. كلۋب قۇرىلىمدارىنىڭ سانى – 1102-گە ءوسىپ، قاتىسۋشىلار سانى 15481-گە جەتتى. سوڭعى ءۇش جىلدا «حالىق­تىق» جانە «ۇلگىلى» اتاعى بار 65 ۇجىم قىزمەت كورسەتسە، 2015 جىل­عى 30 ناۋرىزداعى قازاقستان رەسپۋبليكاسى مادەنيەت جانە سپورت مينيسترلىگىنىڭ №120 بۇي­رى­عىمەن 23 ۇجىمعا تولىعىپ، جالپى سانى 88-گە جەتتى. 
بارلىق كىتاپحانالارعا 83 مىڭ­نان استام كىتاپ الىنىپ، كى­تاپ قورى 5 ملن دانادان استى. بيىل «ۇرپاققا ۇران بولعان ۇلى جەڭىس»، «جەتىسۋدىڭ جەڭىمپاز جاۋىنگەرلەرى»، «اقىل پاراساتى» اتتى جاڭا كىتاپتار وقىرماندارعا جول تارتتى.
400-گە جۋىق ەكسپوناتتار قام­تىلعان گالەرەيالاردا 149 ەكسكۋر­سيا، 39 لەكسيا، 35 كورمە وتكىزىلدى. 61 مىڭنان اساتىن ەكسپوناتتارى بار مۋزەيلەردە 1740 ەكسكۋرسيا، 258 لەكسيا، 232 كورمە وتكىزىلدى. وبلىستا جالپى، 2333 تاريحي جانە مادەنيەت ەسكەرتكىشتەر تىركەلگەن. ۇلى وتان سوعىسى جىلدارىنا ارنالعان 120 ەسكەرتكىشكە جوندەۋ جۇمىستارىن جۇرگىزۋگە 100 ملن 500 مىڭ تەڭگە ءبولىنىپ، اۋدان، قالا اكىمدىكتەرى تاراپىنان بارلىق ەسكەرتكىشتەرگە اباتتاندىرۋ، تازا­لاۋ، مادەني نىسانداردى ءجون­دەۋ مەن قورعاۋ باعىتىنداعى جۇمىس­تار جۇرگىزىلدى.
مۇراعات مەكەمەلەرى 25867 تا­قىرىپتىق جانە الەۋمەتتىك-قۇ­قىق­تىق سۇرانىمداردى ورىندادى. «اقپاراتتى قازاقستان – 2020» مەملەكەتتىك باعدارلاماسىنا ءساي­كەس، «قۇجاتتاردىڭ ءبىرىڭعاي ەلەك­­ترون­دىق مۇراعاتى» اقپارات­تىق جۇيەسىن قۇرۋدى وبلىس بويىن­شا مۇراعات مەكەمەلەرى بيىل ەلەك­ترون­دىق جۇيەگە 3727 قوردىڭ 8965 تىزىمدەمەلەرىن ەنگىزدى.

دەرەككوز: ايقىن-اقپارات