ەلباسىنىڭ قازاقستان حالقىنا ارناعان «نۇرلى جول – بولاشاققا باستار جول» جولداۋىندا اتاپ كورسەتىلگەن ۇلتتىق مەرەكەلەردىڭ ءبىرى – قازاق حاندىعىنىڭ 550 جىلدىق مەرەيتويىن دايىنداۋ جانە وتكىزۋ جونىندەگى 37 تارماقتان تۇراتىن وڭىرلىك ءىس-شارالار جوسپارى جاسالدى.
وبلىس اۋماعىندا وبلىستىق تىلدەردى دامىتۋ باسقارماسىنىڭ ۇيىمداستىرۋىمەن «تەكتى ءسوزدىڭ تورەسى – تەرمە» جىرشى-تەرمەشىلەر بايقاۋى، بيكەن ريموۆا اتىنداعى دراما تەاترىنىڭ ۇجىمى ابىلاي حاننىڭ ءومىرىن بەينەلەيتىن ق.بەكحوجين­نىڭ «ۇلان اسۋ» تاريحي قويىلىمى، ت.ءالىپبايدىڭ «توميريس» تاريحي-دراماسىن كورسەتتى. تالدىق­ورعان قالاسىنداعى «جاستار» سپورت سارايىندا قازاقستان حالقى اسسامبلەيا­سىنىڭ 20 جىلدىعى­نىڭ باستاۋ الۋ كۇنىنە وراي، نەگىزگى تاقىرىپتىڭ ءبىرى رەتىندە قازاق حاندىعى­نىڭ 550 جىلدىعى قامتىلىپ، كورنەكتى جەرلەر مەرە­كەنىڭ ارنايى بەكىتىلگەن لوگوتيپىمەن بەزەن­ءدى­ءرىلدى. وبلىستىق بيكەن ريموۆا اتىنداعى دراما تەاترىنىڭ ارتيستەرى، جەتىسۋ مەملەكەتتىك ۋنيۆەرسيتەتى مەن كوللەدجدەر ستۋدەنتتەرى، قا­زاق­ستان حالقى اس­سام­بلەياسى مۇشەلەرى، قالا تۇر­عىندارىنان قۇرال­عان 2000 ادامنىڭ قاتى­سۋى­مەن «قازاق حاندىعىنىڭ تاريحى»، «جەتى جارعى» تاريحي قويىلىمدارى كورسەتىلدى. ءباسى بيىك ورتاق مەرە­كەگە وبلىس ونەرپازدارىمەن قاتار قازاق­ستان­نىڭ ەڭبەك سىڭىرگەن ءارتيسى لاكي كەسوگلۋ، «جىگىتتەر» توبى قاتىسىپ، جوعارى دەڭگەيدە ۇيىمداس­تى­رىلدى.
ءى.جانسۇگىروۆ اتىنداعى مادەنيەت سارايىندا وتكەن وبلىستىق مادەنيەت، مۇراعاتتار جانە قۇ­جاتتاما باسقارماسى مەن وبلىستىق اسكەري كوميسسارياتتىڭ ۇيىمداستىرۋىمەن ۇلى جەڭىس­ءتىڭ 70 جىلدىعىنا ارنالعان «70 جۇلدىزدى كۇن» اكسياسىنىڭ باستاۋ الۋ شاراسىنا قاتىسقان ۇوس ارداگەرلەرى مەن تىل ەڭبەككەرلەرىنە، اسكە­ري بولىمدەر ساربازدارى مەن قالا جاستارىنا قازاق حاندىعىنىڭ 550 جىلدىعىنا ارنالعان بەينەباياندا ەرلىك پەن ەلدىكتىڭ تاريحىنان سىر شەرتىلىپ، تاقىرىپتىق اندەر ورىندالدى.
قازاق حاندىعىنىڭ 550 جىلدىعى اياسىندا وبلىس اكىمىنىڭ قاتىسۋىمەن «جاستار» ساياباعىنا كوك شىرشا، تيان-شان شىرشاسى، قاراعاي­لار­دىڭ 200 تۇپتەن استام جاس كوشەتتەرى وتىرعى­زىلدى. قاراساي اۋدانىندا زيالى قاۋىم وكىلدەرى مەن جاستاردىڭ قاتىسۋىمەن «ءبىزدىڭ تاريحىمىز بىرىگۋ تاريحى» تاقىرىبىندا عىلىمي كونفەرەن­سيا­سى ۇيىمداستىرىلسا، تالدىقورعان قالاسىن­دا «ماڭگىلىك ەل»، پانفيلوۆ اۋدانىندا «قازاق ەلى» اقىندار ايتىسى جوعارى دەڭگەيدە وتكىزىلدى.
استانا قالاسىنداعى ونەر اكادەمياسىنىڭ جامبىل زالىندا ءسۇيىنباي ارون ۇلىنىڭ 200 جىلدىعىنا ارنالعان حالىقارالىق تۇركى اكادەمياسى، الماتى وبلىسىنىڭ اكىمدىگى، «نۇر وتان» پارتياسى، ق ر مادەنيەت مينيسترلىگىنىڭ بىرلەسىپ ۇيىمداستىرۋىمەن «الاتاۋدىڭ اقيىعى» اتتى حالىقارالىق رۋحاني-تانىمدىق كونفە­رەنسيا وتكىزىلدى. 
قازاق حاندىعىنىڭ 550 جىلدىعىنا وراي استانا قالاسىنداعى «بارىس» سارايىندا ەلبا­سىنىڭ «تاريح تولقىنىندا» اتتى كىتابىنىڭ جەلى­سىمەن وتكەن گالا-كونسەرتتە ءسۇيىنباي ارون­ۇلىنىڭ 200 جىلدىعى كەڭىنەن قامتىلدى. 
جامبىل اۋداندىق مادەنيەت جانە تىلدەردى دامىتۋ ءبولىمى تاراپىنان جىل باسىنان س.ارون­ۇلىنىڭ 200 جىلدىعىنا وراي «اقيىق اقىن» اتتى ءىس-شارالار جوسپارى بەكىتىلىپ، ءتيىستى مەكە­مەلەرگە تاراتىلدى. جوسپارعا سايكەس، اۋداندىق ءبىلىم ءبولىمىنىڭ ۇيىمداستىرۋىمەن «ايتىستىڭ – التىن دىڭگەگى» اتتى وقۋشىلار اراسىندا اقىن­نىڭ ءومىرى مەن شىعارماشىلىعىنا نەگىزدەلگەن كەزدەسۋلەر مەن تاربيە ساعاتتارى وتكىزىلدى. «جىر سۇلەيى ءسۇيىنباي» اتتى وقۋشىلار اراسىندا تانىم­دىق كەش، «الداسپان جىردىڭ الىبى» تا­قى­رىبىندا شىعارمالار بايقاۋى ۇيىمداستى­رىلدى. «جامبىل اۋدانى – اقىندار مەن باتىر­لار ەلى» تاقىرىبىندا اقپاراتتىق-ناسيحات توپتارىمەن بىرلەسكەن شارالار وتكىزىلدى. الماتى قالاسىنداعى جازۋشىلار وداعىندا جانە ءسۇيىن­باي اتىنداعى گيمنازيا مەكتەبىندە ادەبي-تا­نىم­دىق كونفەرەنسيا وتكىزىلدى. كونفەرەن­سياعا ءسۇيىنباي مۇراجايىنىڭ كوشپەلى كورمەسى قويىلىپ، اۋداننىڭ اقىن-جازۋشىلارى مەن دەلەگاسيا مۇشەلەرى قاتىستى. كونفەرەنسيا سوڭى اۋداندىق «ءسۇيىنباي سازى» حالىقتىق، فولكلورلىق-ەتنوگرافيالىق ءانسامبلىنىڭ كونسەرتتىك باعدارلاماسىمەن جالعاستى. 
تالدىقورعان قالاسىنداعى كوركەمونەر گالەرەياسىندا «قازاق حاندىعىنىڭ شەجىرەسى» اتتى وبلىستىق كاسىپقوي سۋرەتشىلەر مەن قولونەر شەبەرلەرىنىڭ تۋىندىلارىنان جيناقتالعان كورمە وتكىزىلدى. ەلدىك پەن ەرلىكتى پاش ەتكەن كورمەگە 20 سۋرەتشىنىڭ 40-تان استام شىعارمالارى كورەرمەندەر نازارىنا ۇسىنىلىپ، كاسىبي ما­مان­داردان قۇرالعان ءادىلقازىلار القاسى جەڭىم­پازداردى انىقتادى. ءبىرىنشى ورىندى «كەرەي مەن جانىبەك» تۋىندىسىنىڭ اۆتورى، تالانتتى جاس سۋرەتشى س.سارسەنبايەۆا، ەكىنشى ورىندى «قادىرعالي جالايىر» پورترەتى ءۇشىن تانىمال سۋرەتشى ا.بەيسەنبەتوۆ يەلەنسە، قازىلار قۇرا­مىنىڭ شەشىمىمەن جۇلدەلى ءۇشىنشى ورىن قىل­قالام شەبەرلەرى د.وتەلبايەۆا مەن ب.احمەتوۆ­تەرگە ءبولىنىپ بەرىلدى. 
جىل سايىن ءداستۇرلى تۇردە ۇيىمداستىرى­لاتىن اۋدان، قالالاردىڭ مادەنيەت كۇندەرىندە «قازاق حاندىعى – ماڭگىلىك ەلدىڭ باستاۋى» تاقىرىبىندا تەاترلاندىرىلعان قويىلىمدار كورسەتىلدى. بيىل اۋدان-قالا مادەنيەت كۇندەرى الماتى جانە تالدىقورعان اۋماعى بويىنشا ەكى باعىتتا اتقارىلدى.
جامبىل وبلىسىنداعى ارنايى بەلگىلەنگەن جەرلەرگە جەتىسۋلىقتار اتىنان فولكلورلىق-ەتنو­گرافيالىق انسامبلدەر مەن كاسىبي ونەر ۇجىمدارىنىڭ كونسەرتتىك باعدارلامالارى، قول­ونەر شەبەرلەرىنىڭ كورمەلەرى ۇيىمداستى­رىلدى. 

دەرەككوز: ايقىن-اقپارات