اق التىندى ايماق وڭتۇستىك قازاقستان وبلىسى ماقتاارال اۋدانىندا بيىل 77 مىڭ گەكتارعا ماقتا، 28،2 مىڭ گەكتارعا باقشا، 3،5 مىڭ گەكتارعا ءتۇرلى كوكونىستەر ەگىلدى.
 بۇدان بولەك كارتوپ، داندىك جۇگەرى، سۇرلەمدىك جۇگەرى، كۇرىش، جوڭىشقا، بيداي مەن ارپا، كۇنباعىس، ماش، جەمىس-جيدەك، ءجۇزىم ەگىلگەن. بايقاپ وتىرعانىمىزداي، ءبىر كەزدەرى نەگىزىنەن، ماقتا  شارۋاشىلىعىنا ءمان بەرەتىن ايماق ۋاقىتتىڭ تالابىنا ساي ءقازىر داقىل تۇرلەرىن ءارتاراپتاندىرعان. 
– وسى جىلدىڭ 9 ايىندا اۋىل شا­رۋاشىلىعى بويىنشا جالپى وندىرىلگەن ءونىمنىڭ كولەمى  34 ملرد 716،8 ملن تەڭگەگە جەتتى. بىلتىرعى وسى مەرزىممەن سالىس­تىرعاندا ناقتى كولەم يندەكسى 100،3 پايىزدى قۇراپ وتىر، – دەيدى ماقتاارال اۋدانىنىڭ اكىمى جامانتاي بەيسەنبايەۆ مىرزا. – جىل سايىن اۋدانعا قاراستى 136،1 مىڭ گەكتارعا سۋارمالى ەگىستىك جەردىڭ باسىم بولىگىنە ماقتا داقىلى ەگىلەدى. تۇرعىن­داردىڭ ەكونوميكالىق جانە الەۋمەتتىك جاعدايلارى الىنعان ءونىمنىڭ كولەمىنە جانە ونىڭ نارىقتاعى باعاسىنا بايلا­نىستى. 
وتكەن جىلى 86 مىڭ گەكتار جەرگە ماقتا داقىلى ەگىلىپ، ورتاشا ونىمدىلىك  گەكتارىنا 25،6 سەنتنەردى قۇراپ، بارلىعى 220،4 مىڭ توننا ءونىم جينالسا، بيىل 77 مىڭ گا جەرگە ەگىلگەن ماقتا داقىلىنان 180-190 مىڭ توننا ءونىم الۋ جوسپارلانىپ وتىر. اۋدان كولەمىندە ورنالاسقان 8 ءىرى ماقتا وڭدەۋ زاۋىتى مەن 4 كىشى ماقتا وڭدەۋ سەحى جانە 142 ماقتا قابىلداۋ بەكەتتەرى ماقتا شيكىزاتىن قابىلداۋدا. 
اۋدانداعى ءىرى، ورتا جانە شاعىن 27 كاسىپورىن وسى جىلدىڭ 9 ايىندا 6359 ملن تەڭگەگە  ونەركاسىپ ونىمدەرىن ءوندىردى. ونەركاسىپ ءونىمىنىڭ ناقتى كولەم يندەكسى – 104 پايىزعا جەتكەن. 2015 جىلدىڭ 1 قازانداعى جاعدايى بويىنشا جۇمىس ىستەيتىن شوب سۋبەكتىلەرىنىڭ سانى – 25168  بىرلىككە جەتىپ،  سالادا 32834 ازامات جۇمىسپەن قامتىلعان. وندىرىلگەن ءونىم (تاۋار جانە قىزمەت)  كولەمى 41798  ملن تەڭگەنى قۇراپ، بيۋدجەتكە – 369،1 ملن تەڭگە اۋدارىلعان. كورسەتكىشتەردىڭ بارلىعى وتكەن جىلعىنىڭ ءتيىستى دەڭگەيىنەن وسكەن. 
اتقارۋشى بيلىكتىڭ مىندەتتەرىنىڭ ءبىرى – شاعىن بيزنەستى دامىتۋ، جۇمىسسىزدىقتىڭ تومەندەۋىنە، نارىقتى وتاندىق تاۋارمەن تولىقتىرۋعا مۇمكىندىك جاساۋدىڭ شا­رالارىن قاراستىرۋ. وسى ورايدا اۋداندا كاسىپكەرلىككە قىزمەت كورسەتۋ ورتالىعى اشىلىپ، كاسىپكەرلەردى بيزنەس نەگىزدەرىنە وقىتۋمەن بىرگە بيزنەس جوبالار دايىنداۋدا، قۇجاتتارىن راسىمدەۋدە، ودان بولەك بۋحگالتەرلىك، سالىقتىق ەسەپتەر دايىنداۋ بويىنشا قىزمەتتەر كورسەتۋدە.  2015 جىلدىڭ 9 ايىندا ورتالىققا كەلگەن 1،5 مىڭعا جۋىق  ازاماتقا ءتيىستى قىزمەتتەر تەگىن كورسەتىلدى. 
«ۇدەمەلى يندۋستريالدى-يننوۆاسيالىق دامۋ» مەملەكەتتىك باعدارلاماسى اياسىندا 2015 جىلدىڭ 9 ايىندا جاڭا تەحنو­لوگيا­لاردى پايدالانعان 925 ملن تەڭگەگە 5 ين­ۆەستيسيالىق جوبانى  وۇك (وڭىرلىك ۇيلەستىرۋ كەڭەسى) ماقۇلداپ، يندۋستريالدى كارتا اياسىندا ىسكە اسىرىلۋدا. باعدارلاما اياسىندا بيىلعى جىلدىڭ سوڭىنا دەيىن 4 جوبانى ىسكە قوسىپ،  80 جاڭا جۇمىس ورنىن اشۋ جوسپارلانعان.    
– ماقتاارال اۋدانىنىڭ 2015-2017 جىلدارعا ارنالعان ءارتاراپتاندىرۋ باعدارلاماسى اياسىندا 10 مىڭ توننا كوكونىس پەن جەمىس ساقتاۋعا ارنالعان 4 قويمانى سالۋ جوسپارلانعان بولسا، جىل سوڭىنا دەيىن ونىڭ ەكەۋى پايدالانۋعا بەرىلمەك. بۇگىنگى تاڭدا «ماقتاارال ەكوپرودۋكت» ج ش س سىيىمدىلىعى 3000 توننالىق قويمانىڭ قۇرىلىسىن اياقتاپ، وسى قاراشا ايىندا پايدالانۋعا بەرۋ كوزدەلۋدە. «ەردەشوۆ» جك 2000 توننالىق قويمانىڭ قۇرىلىسىن جۇرگىزۋدە، – دەيدى اۋدان باسشىسى جامانتاي قاناي ۇلى. – «بيزنەستىڭ جول كارتاسى – 2020» باع­دارلاماسى اياسىندا اۋدانعا ينۆەستيسيا تارتۋ جۇمىستارىنا اسا كوڭىل بولىنۋدە. اتالمىش باعدارلامانى  ىسكە اسىرۋ ماقساتىندا ناسيحات توپتارى قۇرىلىپ، ءار اۋىل وكرۋگىندە سەمينارلار ۇيىم­داس­تىرىلىپ جانە اۋدانداعى كاسىپ­كەرلىكتى قولداۋ ورتالىعىندا باع­دار­لا­مانىڭ نەگىزگى تەتىكتەرىن كاسىپكەرلەرگە ءتۇسىندىرۋ بويىنشا وقۋ-سەمينارلارى  تۇراقتى جۇرگىزىلۋدە. ناتيجەسىندە، «بيز­نەستىڭ جول كارتاسى – 2020» باعدارلاماسى  اياسىندا  2015 جىلدىڭ 9 ايىندا ناقتى 12 جوبانىڭ قۇجاتتارى  قارالىپ، وۇك-نىڭ شەشىمىمەن ماقۇل­داندى. 
اۋدانعا 2015 جىلعى 9 ايدىڭ قورى­تىندىسىمەن جالپى 7844،9 ملن تەڭگە ينۆەستيسيا تارتىلعان بولسا، ونىڭ  1715،7 ملن تەڭگەسى رەسپۋبليكالىق بيۋدجەتتەن، 3896،4 ملن تەڭگەسى  جەرگىلىكتى بيۋدجەتتەن، ال 2197،6 ملن تەڭگەسى كاسىپورىندارمەن جەكە سەكتوردىڭ ينۆەستيسيالارى. بۇل كورسەتكىش وتكەن جىلعىمەن سالىستىرعاندا 118،9 پايىزعا ارتىپ وتىر. 
اۋداندا جۇرگىزىلىپ جاتقان ءارتاراپ­تاندىرۋ باعدارلاماسى كوكونىس، جەمىس-جيدەك ءونىمىنىڭ كولەمىن ارتتىراتىنى ءسوزسىز. زاماناۋي لوگيستيكاسىز جەمىس-جيدەك، باقشا، كوكونىس ونىمدەرىن ساپالى تۇردە ەكسپورتقا شىعارۋ مۇمكىن ەمەس. وسىعان بايلانىستى شارۋالاردىڭ ءونىمىن ساقتاپ، ءارى قاراي ساتۋ ءۇشىن قولايلى جاعداي جاساۋ ماقساتىندا  اۋداننىڭ كىرەبەرىسىندەگى ازاتتىق اۋىلىنان زاماناۋي ۇلگىدەگى ساۋدا لوگيستيكالىق ورتالىعىنىڭ قۇرىلىسىنا 9 گەكتار جەر ۋچاسكەسى رەزەرۆكە الىندى. لوگيس­تيكا­لىق ورتالىق اۋ­ماعىندا زاماناۋي كوتەرمە-بولشەك ساۋدا ورتالىعىنىڭ قۇرى­لىسى 2015-2017 جىلدارعا جوسپارلانعان.  ساۋدا لوگيس­تي­كالىق ورتالىعىندا كەزەڭدەر بويىنشا سالىناتىن نىسانداردى بەكىتىل­گەن ءىس-شارا جوسپارىنا سايكەس ىسكە اسىرۋعا نيەت بىلدىرگەن 5 كاسىپكەردىڭ  ينۆەستيسيالىق جوبا­لا­رى قارالۋدا. 2 جوبا وۇك-نىڭ   شەشىمى­مەن ما­قۇلدانىپ، ىسكە اسىرىلۋدا. 

دەرەككوز: ايقىن-اقپارات