بۇل تۋرالى بۇگىن ۇكىمەت وتىرىسىندا ەنەرگەتيكا ءمينيسترى ۆلاديمير شكولنيك مالىمدەدى، - دەپ حابارلايدى «قامشى» پورتالى.

«ءبىز مۇناي سالاسىنا قىزمەت كورسەتۋشى كومپانيالار قاۋىمداستىعىمەن جۇمىس ىستەيمىز. قىزمەت كورسەتۋ كولەمى 2015 جىلى 25 پايىزعا قىسقاردى. كەلەر جىلى دا وسىلاي جالعاسار بولسا، 40 مىڭ ادام قىسقارتۋعا ۇشىراۋى مۇمكىن» دەيدى مينيستر.

ۆ. شكولنيك مۇناي باعاسى بارەلىنە 50 دوللاردان تومەن بولسا جۇمىستان قىسقارتۋ ءقاۋپى 10 پايىزعا دەيىن وسەتىنىن، ياعني 7000 مىڭ ادامدى قۇرايتىنىن ايتادى.

«اعىمداعى شىعىندار، ياعني، قىزمەت كورسەتۋ مەن ەڭبەكاقى 31 پايىزعا قىسقارادى. سونداي-اق، سالىقتىق تولەمدەردىڭ كولەمى دە ازايادى دەگەن بولجام جاساپ وتىرمىز» دەيدى ۆ. شكولنيك. مينيستر جۇمىستان قىسقارعان مۇنايشىلاردى «تەڭىزشيەۆرويل» جوباسى قۇرىلىسىنا جۇمىلدىرۋ جوسپارلانىپ وتىرعانىن جەتكىزدى.

«ەگەر قولعا العان 13 جوبانى ىسكە قوسساق، قۇرىلىس كەزىندە 21،5 مىڭ جۇمىس ورنى، 6000 تۇراقتى جۇمىس ورنى اشىلادى. «تەڭىزشيەۆرويلدى» كەڭەيتۋ تۋرالى شەشىم وسى جىلدىڭ جەلتوقسانىندا قابىلدانادى. كەڭەيتۋ كەزىندە تاعى 20 مىڭ جاڭا جۇمىس ورنى اشىلادى» دەپ اتاپ ءوتتى ەنەرگەتيكا ءمينيسترى.