اقمولا وبلىسىندا بالىقشىلار مىنشگەن نيۆا كولىگى مۇز استىنا ءتۇسىپ كەتىپ، ءبىر ادام قايتىس بولدى، - دەپ حابارلايدى «قامشى» پورتالى وبلىستىق تجد-عا سىلتەمە جاساپ.
وقيعا 23 قاراشا كۇنى ساعات تۇنگى وندار شاماسىندا قورعالجىن اۋدانىنىڭ ۇيالى اۋىلىندا بولعان.
«نۇرا وزەنىندە بالىق اۋلاۋ كەزىندە كولىك سالماعىن كوتەرە الماعان مۇز ويىلىپ كەتىپ، ماشينا سۋ استىنا كەتكەن. كولىكتە ەكى ادام بولعان. ولاردىڭ بىرەۋى ءوز كۇشىمەن مۇز استىنان شىعىپ ۇلگەرگەن» دەلىنگەن تجد تاراتقان حابارلامادا.
ءقازىر سۋ استىندا قالعان 1965 جىلى تۋعان ازاماتتى ىزدەستىرۋ جۇمىستارى ءجۇرىپ جاتىر.
