اقتوبەدەگى "كاۋسار بۇلاق" بالاباقشاسىنىڭ تاربيەشىسىنە قاتىستى ول بالالاردىڭ اۋزىنا سكوچ جاپسىردى دەگەن كۇدىك بار، - دەپ حابارلايدى «قامشى» پورتالى Tengrinews.kz – كە سىلتەمە جاساپ.

بالاباقشا مەڭگەرۋشىسى سۆەتلانا قوسىبايەۆانىڭ ايتۋىنشا، تاياۋدا تاربيەلەنۋشى بالالاردىڭ ءبىرىنىڭ اناسى شاعىمدانىپ، ۆيدەو كورسەتكەن، وندا بالالار حورمەن تاربيەشىگە سكوچتىڭ نە ءۇشىن كەرەگىن ءتۇسىرىپ تۇر. كەيىن ول شاعىم ورتا توپتاعى بالالاردىڭ تاربيەشىسى گۇلنۇر قويشىعارينانىڭ ۇستىنەن ءتۇستى، تاپ سول ايەل ءۇش جاسار بالالاردىڭ اۋزىنا سكوچ جاپسىرۋ ءتاسىلىن قولداناتىن كورىنەدى.

ايەل بالاباقشادا 2013 جىلدان بەرى جۇمىس ىستەيدى، بۇعان دەيىن ويىل اۋدانىندا قىزمەت ەتكەن. باسشىنىڭ ايتۋىنشا، بۇعان دەيىن ونىڭ ۇستىنەن ەشكىم شاعىمدانباعان، ال ايتىلعان جاعدايدى ول جوققا شىعارىپ وتىر.

"قازىرگى تاڭدا بىرنەشە ماماننان جانە وزىمنەن قۇرىلعان كوميسسيا بالاباقشادا ءجۇر. بۇگىن اتا-انالارمەن كەزدەسەمىز. قىزمەتتىك تەرگەۋ جۇرگىزەمىز. بارلىق كوممەنتاريي تەرگەۋ اياقتالعان سوڭ بەرىلەدى"، - دەدى تەلەفون ارقىلى اقتوبە ءبىلىم ءبولىمىنىڭ باسشىسى ءلاززات ورازبايەۆا.