2015 جىلعى 11 جەلتوقسان كۇنى ءو. جولداسبەكوۆ اتىنداعى ستۋدەنتتەر سارايىندا حالىقارالىق «قازاق داۋىسى» ءان بايقاۋىنىڭ گالا-كونسەرتى وتەدى. گالا-كونسەرتكە بايقاۋدىڭ ءتورت كەزەڭىندە 220 ۇمىتكەردىڭ ىشىنەن ىرىكتەلگەن 14 جاس ونەرپاز جولداما الىپ وتىر. ۇمىتكەرلەر قاتارىندا جۇڭگو، موڭعوليادان ارنايى كەلگەن ونەرلى قانداستارىمىز دا بار.

بايقاۋ شارتى بويىنشا قاتىسۋشىلار جاندى داۋىستا ءان شىرقايدى.

قاتىسۋشىلاردىڭ ونەرىنە رامازان ستامعازييەۆ، ەركىن شۇكىمان، التىناي جورابايەۆا، ءمولدىر اۋەلبەكوۆا، ۇشقىن جامالبەك باستاعان قازىلار القاسى باعا بەرەدى. شىن ۇزدىكتى انىقتاۋدا «قامشى» پورتالى ارقىلى بەرىلگەن تىڭداۋشىلار داۋسى دا ەسكەرىلەتىن بولادى.

كەشتە ونەر كورسەتەتىن قوناقتار: رامازان ستامعازييەۆ، ەركىن شۇكىمانوۆ، الاش ۇلى توبى، تورەعالي تورەالى، تۇران توبى، گاۋحارتاس، "ءدۇر قامشىنى" شىرقاعان اسەت ەسجان مەن ولجاس اباي، اسەم داۋىسىمەن ەۋروپانى تاڭعالدىرعان جاس جۇلدىز ەركەبۇلان ەلشات قىزى، ت.ب. 

سايىس قورىتىندىسى بويىنشا جەڭىمپاز 1 ميلليون تەڭگە كولەمىندەگى اقشالاي سىيلىققا يە بولادى. 

سونىمەن، گالا-كونسەرت 11 جەلتوقسان كۇنى ستۋدەنتتەر سارايىندا ساعات 19.00-دە باستالادى.

كەلىڭىزدەر، كورىڭىزدەر! جاساندىلىقتان ادا، شىنايى ونەرگە قولداۋشى بولىڭىزدار!

قوسىمشا اققپاراتتى تومەندەگى تەلەفوندار ارقىلى الۋعا بولادى: 8 707 862 44 66         8 708 226 99 91