استانا اكىمى ادىلبەك جاقسىبەكوۆ "الماتى" جانە "سارىارقا" اۋداندارىنىڭ اكىم اپپاراتتارىنا جاڭا اكىمدەردى تانىستىردى، - دەپ حابارلايدى «قامشى» پورتالى Tengrinews.kz-كە سىلتەمە جاساپ.

بۇگىن قالالىق ءماسليحاتتىڭ كەزەكتەن تىس سەسسياسىندا دەپۋتاتتار "الماتى" جانە "سارىارقا" اۋداندارىنىڭ جاڭا اكىمدەرى قىزمەتىنە ۇسىنىلعان ەرماعانبەت قابدۋلا ۇلى بولەكپايەۆ پەن پاۆەل سەرگەيەۆيچ كۋلاگيننىڭ كانديداتۋرالارىن ءبىراۋىزدان قولدادى.

ادىلبەك جاقسىبەكوۆ ەكى اكىم دە ەڭبەك جولىندا وزدەرىن جاقسى جاعىنان كورسەتە بىلگەن، ءتۇرلى لاۋازىمداردى اتقارۋدا تاجىريبەلەرى مول ەكەندىگىن ايتتى. 

بولەكپايەۆ بۇعان دەيىن سارىارقا اۋدانىنىڭ اكىمى قىزمەتىن، وعان دەيىن مەملەكەتتىك قىزمەت ىستەرى جونىندەگى اگەنتتىك جۇيەسىندە، قاراعاندى جانە وڭتۇستىك قازاقستان وبلىستارىندا اگەنتتىكتىڭ اۋماقتىق باسقارمالارىندا باسشى، استانا قالاسى تارتىپتىك كەڭەسىنىڭ ءتوراعاسى قىزمەتتەرىن اتقارعان. كۋلاگين بۇعان دەيىن استانا قالاسىنىڭ كوممۋنالدىق شارۋاشىلىق باسقارماسىنىڭ باسشىسى، "الماتى" اۋدانىنىڭ اكىمى قىزمەتتەرىن اتقارعان. جاقسىبەكوۆ سونداي-اق، اۋداندىق اكىمدىكتەر ۇجىمدارىنا الداعى كەزەڭگە مىندەتتەردى بەلگىلەپ بەردى.

ايتا كەتەيىك، وسىعان دەيىن اقمولا وبلىسىنىڭ اكىمى سەرگەي كۋلاگينءوزىنىڭ ۇلى پاۆەلدىڭ ەرتە باستالعان مانسابى تۋرالى قويىلعان سۇراققا جاۋاپ بەرگەن بولاتىن.