"سامۇرىق-قازىنا" ۇلتتىق ءال اۋقات قورى" اق باسقارما ءتوراعاسى ءومىرزاق شوكەيەۆ ۇلتتىق كومپانيالارداعى بونۋستار جاعدايى تۋرالى ايتىپ بەردى. بۇل تۋرالى "قامشى" پورتالى   today.kz-كە سىلتەمە جاساي وتىرىپ حابارلايدى.

 ول توپ-مەنەدجەرلەردىڭ بونۋستارىن ءسوز ەتۋ ادەپسىز دەپ ەسەپتەيدى. ونىڭ ايتۋىنشا "سامرۇق-قازىنا" قورىندا بۇلاي ەتپەيدى.

"ادامدى قىسقا ۋاقىتتىق جۇمىسقا اۋىستىرىپ، ال توپ-مەنەدجەرلەر بونۋس تۇرىندە سىياقى الاتىنى قالىپتى. ۋاقىتقا قاراۋ كەرەك. كونتەكستتەن ءبىر نارسەنى جۇلىپ الىپ، سەنساسيا قىلادى – مەن مۇنىمەن كەلىسپەيمىن. اڭگىمە مەنەدجەردىڭ 2013-2014 جىلدارى العان بونۋستارى جايىندا. ولار ول كەزدە سول گرافيكپەن جۇمىس ىستەدى"، - دەدى ءومىرزاق شوكەيەۆ ق ر ءماجىلىس پارلامەنتىندەگى پلەنارلىق وتىرىس بارىسىندا.

ونىڭ ايتۋىنشا، 2013 پەن 2014 جىل قتج مەن "سامۇرىق-قازىنا" ءۇشىن جاقسى جىلدار بولعان. "پايدا بولدى، سايتتان قتج-نىڭ قانداي پايدا تۇسىرگەنىن كورۋگە بولادى. جالپى كومپانيانىڭ سىياقى تولەۋ جۇيەسى 2006 نەمەسە 2007 جىلى قۇرىلعان. بونۋستار كومپانيانىڭ پايداسىنا بايلانىستى، ءبىراق ولار ءۇش ايلىقتان جوعارى بولمايدى. سوندىقتان، 15 ادامنىڭ بوۋسىن الىپ، ۇلكەن ساندار شىعارۋ – بۇل دۇرىس ەمەس. 15 ادامعا ءبولۋ كەرەك، بۇل سونداي كوپ ەمەس"، - دەدى كومپانيا باسشىسى.

ونىڭ پىكىرىنشە، مەنەدجەرلەردىڭ بونۋسىن جالپى حالىق الدىندا جاريالاۋعا بولمايدى. بۇل ينۆەستيسيالىق كليماتقا تىكەلەي اسەر ەتەدى.

سونداي-اق ول وسى جىلى جاعدايدىڭ اۋىرلىعى مەن پايدانىڭ بولمايتىنىنا بايلانىستى ەشكىم بونۋس المايتىنىن اتاپ ءوتتى.

ەستەرىڭىزگە سالساق، 15 قاراشادا الەۋمەتتىك جەلىلىەر مەن باق-تا قتج-نىڭ جۇمىسشىلارى كومپانيانىڭ شەندى قىزمەتكەرلەرى ميلليونداعان بونۋستار الاتىندىعىنا نارازىلىق بىلدىرگەن ءاتى-جونى كورسەتىلمەگەن حات تاراعان بولاتىن. كەيىن "قازاقستان تەمىر جولى" كومپانياسىنىڭ قىزمەتكەرلەرى ميلليونداعان بونۋستار تۋرالى اقپاراتتى جوققا شىعاردى.