اقمولا وبلىسىنىڭ بۋراباي اۋدانىنداعى زلاتوپولە اۋىلىندا جەرگىلىكتى حريستيان زيراتىنداعى تەمىر قورشاۋلاردى ۇرلاۋمەن اينالىسقان 28 جانە 30 جاستاعى ەكى ەر ادام قولعا ءتۇستى. بۇل تۋرالى "قامشى" پورتالى "كازينفورم"-گە ىلتەمە جاساي وتىرىپ حابارلايدى.

پوليسەيلەردىڭ مالىمەتى بويىنشا، ۇستالعانداردىڭ ەكەۋى دە ششۋچە قالاسىنىڭ تۇرعىندارى.

زلاتوپولە اۋىلى تۇرعىنىنىڭ بۋراباي اۋداندىق ءىىب كەزەكشىلىك بولىمىنە حابارلاعان اقپاراتىنا ساي جۇرگىزىلگەن جەدەل-ىزدەستىرۋ شاراسى بارىسىندا اتالعان ەلدى مەكەندەگى حريستيان زيراتىنان 10 تەمىر قورشاۋدى قولدى قىلعان 28 جانە 30 جاستاعى ششۋچە قالاسىنىڭ ەكى تۇرعىنى ۇستالدى.

كۇدىكتىلەر ۇرلانعان قورشاۋدى مەتالل قابىلدايتىن پۋنكتكە بار-جوعى 18 مىڭ تەڭگەگە وتكىزگەن.

“قازىرگى كەزدە،  كۇدىكتىلەردىڭ ۇستىنەن قىلمىستىق كودەكستىڭ 188-بابىنىڭ 2ء-بولىمى بويىنشا قىلمىستىق ءىس قوزعالدى.  سونىمەن قاتار،  ولاردىڭ  «اۋدي» جانە «فولكسۆاگەن» كولىكتەرى ايىپ الاڭىنا قويىلدى»، – دەپ كورسەتىلگەن حابارلامادا.