"قازاقستان ارۋى-2015" سۇلۋلىق بايقاۋىنىڭ ۇيىمداستىرۋشىلارى قازىلار القاسىندا كىمدەردىڭ بولاتىنىن جاريالادى، - دەپ حابارلايدى «قامشى» پورتالى Tengrinews.kz –كە سىلتەمە جاساپ حابارلايدى.

قازىلار القاسىنىڭ قۇرامىندا - عارىشكەر ايدىن ايىمبەتوۆ، ۆەلوشاباندوز، وليمپيادا چەمپيونى الەكساندر ۆينوكۋروۆ، "استانا جاستارى" باسشىسى ءانۋار نۇرپەيىسوۆ، قازاقستاننىڭ حالىق ءارتىسى ايمان مۇساقوجايەۆا، قوعام قايراتكەرى ارۋجان ساين، اكتريسا اسەل ساعاتوۆا، "استانا" فك باس مەنەدجەرى قايسار بەكەنوۆ، "التىن وردا" اۆتورلىق ديزاين ءۇيىنىڭ ەتنو-ديزاينەرى ىرزا تۇرسىنزادا، "قازاقستان ارۋى" ۇلتتىق بايقاۋىنىڭ پرەزيدەنتى الەنا ريۆلينا-قىرباسوۆا بار.

2014 جىلدان بەرى ءادىل قازىلار القاسى قازاقستاننىڭ ەڭ كورىكتى ءۇش قىزىن تاڭدايدى. ال گراند-فينالدا كورەرمەندەر sms-داۋىس بەرۋ ارقىلى جەڭىمپازدى انىقتايدى. "قازاقستان ارۋى-2015" ۇلتتىق بايقاۋى 10 جەلتوقساندا ەلورداداعى بەيبىتشىلىك جانە كەلىسىم سارايىندا وتەدى.

بيىل بايقاۋعا ءار وڭىردەن 30 ارۋ قاتىسادى، ولاردىڭ بەسەۋى مەكتەپ وقۋشىسى. "قازاقستان ارۋى-2015" بايقاۋىنىڭ جۇلدە قورى - 5 ميلليون تەڭگە.