تۇركيا پرەزيدەنتى رەدجەپ تايىپ ەردوعان تۇركيالىق اسكەريلەردىڭ سيريادا رەسەيلىك سۋ-24 ۇشاعىن اتىپ تۇسىرگەنىن راستادى. بۇل تۋرالى تۇركياداعى Bloomberg ءتىلشىسى فەردجان يالينكيليدج Twitter جەلىسىندەگى پاراقشاسىندا جازعان. ايتا كەتەيىك، بۇعان دەيىن ۇشاقتىڭ قۇلاعانىن رەسەي قورعانىس مينيسترلىگى دە راستاعان بولاتىن.
ۆەدومستۆو اۋە كەمەسىنىڭ سيريا اۋماعىمەن ۇشقانىن ايتسا، انكارا سۋ-24 ۇشاعىنىڭ تۇركيا اۋە كەڭىستىگىنىڭ قورعانىسىن بۇزعانىن العا تارتتى. ۇشاق سيريانىڭ لاتاكيا پروۆينسياسىنا قۇلاعان. بۇعان دەيىن تۇركيالىق تاراپ رەسەيگە سيرياعا جۇرگىزىلەتىن اسكەري وپەراسيالار كەزىندە اۋە كەڭىستىگىن بۇزباۋدى ەسكەرتكەن بولاتىن.
"يزۆەستيا" باسىلىمى سۋ-24 ۇشاعىنىڭ ۇشقىشتارىن تۇركيالىقتاردىڭ قولعا تۇسىرگەنىن حابارلادى. ايتا كەتەيىك، تۇركيانىڭ اۋە كۇشتەرى سيريامەن شەكارالاس ايماقتا اسكەري ۇشاقتى اتىپ تۇسىرگەن ەدى.
