جاقىندا قازاقستان ەستراداسىنىڭ جۇلدىزدارى كورەرمەن نازارىنا Azary&Kleo دۋەتىمەن بىرگە «جاڭا جىلىڭمەن، قازاقستان» اتتى بەينەبايان ۇسىندى. جاڭا ءان قازاق جانە ورىس تىلدەرىندە جازىلعان.

بەينەباياندا سەرىك يبراگيموۆ، All Davaءى توبى، ديانا شاراپوۆا، زارينا وماروۆا، Kental جانە Azary&Kleo دۋەتى بىرگە ونەر كورسەتكەن. انشىلەر وسى انىمەن حالىققا كوتەرىڭكى كوڭىل-كۇي سىيلاۋعا تىرىسقان.

«ءبىز قازاقستان حالقىن جاڭا جىل مەرەكەسىمەن وزگە ارتىستەرمەن قوسىلىپ، قۇتتىقتاۋدى ماقسات ەتتىك. ءارى ول قولىمىزدان كەلگەنىنە سەنىمدىمىز»، – دەدى ءانشى Kleo.

Azary&Kleo توبىنىڭ سوليسىنە سەنسەك، كەي انشىلەر فورماتىنىڭ بولەك ەكەنىن سىلتاۋراتىپ، بىرگە ءان سالۋدان باس تارتقان. ءبىراق، بۇل جەردە ەشقانداي دا قاتىپ قالعان فورمات جوق ەكەنىن مەڭزەگەن ءانشى نەگىزگى ماقسات حالىقتى مەيرامىمەن قۇتتىقتاۋ عانا بولاتىنىن جەتكىزدى.

ءاننىڭ اۆتورى Azary&Kleo توبىنىڭ ءانشىسى باجان ەسىمدى ونەرپاز. بىرگە ءان شىرقاعان ارتىستەر حالىقتىڭ وڭ باعاسىن بەرەتىنىنە ۇمىتتەنەدى.