ءار حالىق جاڭا جىلدان جاڭا، ءتىپتى، ارايلاپ اتقان ءاربىر تاڭنان جاڭا باقىت، جاڭا شاتتىق جانە جاڭا تاڭعاجايىپتار كۇتەتىنى جاسىرىن ەمەس. جاڭالىق اتاۋلىدان جاقسىلىق كۇتەتىن سول داستۇرمەن نازارلارىڭىزعا كەلەر جىلعا ارنالعان جۇلدىز-جورامالدى ۇسىنامىز.

توقتى

(21 ناۋرىز – 20 ءساۋىر)

ءسىز ومىرگە عاشىق جانداردىڭ قاتارىنانسىز. ۇنەمى ىزدەنىس پەن تالپىنىستا جۇرەتىن مىنەزىڭىز 2016 جىلى ەسەلەنە تۇسپەك. ەموسياعا تولى جانىڭىزدى قۇرىقتاۋعا قيىن تۇسەتىن كەزەڭدەر دە بولاتىنى جاسىرىن ەمەس. مەشىن جىلى ويعا العان بارلىق جوسپارلارىڭىزدى ىسكە اسىرۋ ءۇشىن تىنباي ەڭبەك ەتسەڭىز جەتكىلىكتى. بۇل جىل ءسىز ءۇشىن اسا تابىستى بولماق. قاجىرلى قايراتتىڭ ارقاسىندا قيىندىقتاردى ەڭسەرىپ، كەمشىلىكتەردى ارتىقشىلىققا اينالدىرا ءبىلۋدىڭ التىن كىلتىن ءدال وسى جىلى تاباتىن بولاسىز.

كەلەر جىلى ىسكە اسىراتىن جوسپارلارىڭىزدى 2-گە نەمەسە 3-كە ءبولىپ قاراستىرعانىڭىز ءجون. ويتكەنى كەزەڭ-كەزەڭگە ءبولىپ اتقارعان  جوسپار سىزگە قيىنعا تۇسپەيتىن بولادى. سونىمەن قاتار جانىڭىزعا جىلۋلىق سىيلايتىن كلاسسيكالىق اۋەندەردى جيىرەك تىڭداپ، ءجۇزۋ مەن يوگاعا قاتىسىپ، تابيعاتتا كوپ سەرۋەندەڭىز. بۇل ارەكەتتەر مەشىن جىلى سىزگە جان جىلۋلىعىن بەرەتىن بولادى.

تورپاق

(21 ءساۋىر – 21 مامىر)

ءسىز ساتتىلىكتىڭ ادامىسىز. 2016 جىلى ءسىزدىڭ باستى ۇرانىڭىز «ال دا، ىستە» بولۋعا ءتيىس. كەلەر جىلى وزىڭىزگە اشىلعان مۇمكىندىكتەردىڭ كوپتىگىمەن تاڭداندىراتىن بولادى. مەشىن جىلى ءسىز ءۇشىن ماحابباتتىڭ، كاسىپكەرلىكتىڭ، ورلەۋدىڭ جىلى بولماق. بۇل جىلدا ءسىزدىڭ تابىستارعا جەتەتىنىڭىز سونشا­لىق – ءتىپتى سىزگە قىزىعا دا، قىزعانا دا قارايتىن بولادى. بۇل، ارينە، ءسىز ءۇشىن جاقسى.

2016 جىلى سپورتقا كوپ كوڭىل ءبولىڭىز. جۇگىرۋمەن اينالىسقانىڭىز ءجون. وتباسىنا كوبىرەك نازار اۋدارىپ، وتباسىلىق ساياحاتقا شىعىپ تۇرساڭىز، نۇر ۇستىنە نۇر بولماق.

ەگىزدەر

(22 مامىر – 21 ماۋسىم)

ەگىزدەر ءۇشىن بۇل جىل – قاي جاعىنان قاراساڭىز دا ءساتتى جىل. كەز كەلگەن جاڭا باستامالار مەن جوبالار ءۇشىن قولايلى كەزەڭ. ءسىز ەڭبەكقور، تىنىم تاپپايتىن جانسىز. قانداي جوبالار بولسا دا بارىنە ۇلگەرۋگە تىرىساسىز. بۇل، ارينە، جاقسى. دەگەنمەن 2016 جىلى بارلىق اتاۋلى ءىس-شارالارعا قاتىسقانىڭىزبەن، ول ءسىزدىڭ ومىرىڭىزدە ءبىرشاما قيىندىق تۋعىزادى.  «ەكى قايىقتىڭ باسىن ۇستاعان سۋعا كەتەدى»  دەمەكشى، شەكتەن تىس شارالارعا باس  قاتىرعانشا، وزىڭىزگە قۇندى جوبالاردى سارالاپ، كىرىسىڭىز. سان ەمەس، ساپاعا ءمان بەرسەڭىز، 2016 جىل جەمىستى، ەستە قالارلىقتاي بولماق.

شايان

(22 ماۋسىم – 22 شىلدە)

2016 جىل جاڭا شىتىرماندارعا تولى بولماق.  مەشىن جىلى شايان جۇلدىزناماسى ءۇشىن قىزىعۋشىلىقتارى تۇرمىستىق دەڭگەيمەن شەكتەلىپ قانا قويماي، كەلەسى ساتىنى باعىندىرۋدا ساتتىلىك اكەلەدى دەپ كورسەتەدى. جاڭا جوبالار، ساياحات، جاڭا حوببي، ماحاببات، جاڭا دوستار تابۋ – بۇل ءسىزدى كەلەسى جىلى كۇتىپ تۇر. شاياندا تۋىلعاندار الەمدى جاڭا قىرىنان كورگىسى كەلەتىندەرى انىق. جانە ول ارماندارى ورىندالۋى ابدەن بەك مۇمكىن.

2016 جىلى شاياندار جاڭا قارقىنمەن ارەكەت جاساپ، كوپتەگەن ماقساتتارى ورىندالادى. ءاربىر جوسپارىن سالماقپەن جانە ابايلاپ قابىلداعان شەشىمدەرى ايىن وڭىنان تۋدىرادى. ءتىپتى جوسپارىڭىز باستاپقىدا ساتسىزدىككە ۇرىندىرسا دا،  العان باعىتىڭىزدان جاڭىلماڭىز.

ارىستان

(23 شىلدە – 23 تامىز)

2016 جىلى ءسىزدى تولاعاي تابىس­تار كۇتىپ تۇر. ءوزىڭىزدى قورشاعان ادامدار توبىڭىزدا نازارلارىنا ىلىگىپ، جاڭا مۇمكىندىكتەر تۋعىزادى. كۇش-جىگەرىڭىزدى جاڭا جوباعا نەمەسە ناتيجەلى ىسكە جۇمساۋعا دايىن بولىڭىز. قاي جەرگە شاقىرسا دا باس تارتپاڭىز.  ارىس­تانعا ءتان ايبا­تىڭىزبەن بارلىق ماسەلەنى وپ-وڭاي، مايدان قىل سۋىرعانداي شەشەتىن بولاسىز.

سونىمەن مەشىن  جىلىندا: ءسىز جاقسى ادامدارمەن جولىعاسىز؛ بيىك مانساپقا جەتۋ ءۇشىن جاسالعان قادامدار ءساتتى بولادى؛ جەتىستىك پەن تابىس مول بولادى؛ جۇبىڭىزبەن قارىم-قاتىناستا ەش قيىندىق تۋمايدى.

بيكەش

(24 تامىز – 22 قىركۇيەك)

سابىرلى قالپىندا ءجۇرىپ، ءتو­زىمدىلىك تانىتا ءبىلۋ – بيكەشتەردىڭ جۇلدىزناماسىنداعى باس­تى ارتىقشىلىقتاردىڭ ءبىرى. كەلەسى جىلى وسى ارتىقشىلىقتارىڭىزدى وزگە جۇلدىزنامالارعا قاراعاندا جەمىستىگە اينالدىرۋ مۇمكىندىگى وتە جوعارى. ءسىزدىڭ باستى كەمشىلىكتەرىڭىزدىڭ ءبىرى – قىزعانشاقتىق. ءسىز دوستارىڭىزدىڭ، ارىپتەستەرىڭىزدىڭ، بوتەن جانداردىڭ جەتىستىكتەرىن كورە المايسىز. سول سەبەپتى شىدامدىلىق تانىتىڭىز. جەتىستىككە جەتۋ ماقساتىندا اينالاداعى ادامداردىڭ قولداۋىن كۇتپەي، تەك وزىڭىزگە سەنىپ، ارەكەت قىلىڭىز. سوندا عانا ايىڭىز وڭىنان تۋىپ، تابىسقا كەنەلەسىز.

تارازى

(23 قىركۇيەك – 22 قازان)

كەلەر جىلى تارازىلار جالاقىسى جوعارىراق جۇمىس ورنىنا اۋىسۋى مۇمكىن. ءسىزدىڭ تالانتىڭىز بەن ىنتاڭىز باعالانىپ، جۇمىس بەرۋشىڭىز ءتيىمدى ۇسىنىس جاسايدى. مەشىن جىلى وزىمەن بىرگە سىزگە جاقسى مۇمكىندىكتەر الىپ كەلەدى. بارلىق ءىسىڭىز جۇزەگە اسپاسا دا، باسىمى جەمىستى بولاتىنى ءسوزسىز. قارجى ماسەلەسىندە دە جۇلدىزدار سىزگە وڭىنان قارايدى. اقشاڭىز مول بولادى. تارازىلار جاعىمدى ەنەرگياسىنىڭ ارقاسىندا تابىس­تى جۇمىس اتقارادى. باستى ارتىقشىلىقتارى بولىپ سانالاتىن شەشىم قابىلداۋ مەن ماقسات قويۋى مەشىن جىلى تەك جۇمىستا عانا ەمەس، سونىمەن قاتار ۇيدە دە، ماحابباتتا دا ءساتتى بولماق.

سارىشايان

(23 قازان – 21 قاراشا)

ءسىز باقىتتى جانسىز، ويتكەنى ءومىر ءسىز ءۇشىن بارلىق كەدەرگىلەردى جويىپ وتىرماق. سارىشاياننىڭ ومىرىندەگى باستى كەمشىلىگى – قىزعانىش. سول سەبەپتى جۇلدىزدار ءوزىڭىزدى تەجەي بىلۋگە شاقىرادى. سوزدەرىڭىزگە يە بولىڭىز. ءايت­پەسە دۇشپاندار قاتارى كوبەيۋى مۇمكىن. دەگەنمەن قىز­عانشاق­تىقتىڭ دا پايداسى بارىن ۇمىتپاڭىز. ەڭ باستىسى، قىزعانشاق­تىق – جۇيەلىلىكە اكەلەدى. سونىڭ ارقاسىن­دا سارىشايان ءوزىنىڭ ماقساتتارىن ورىنداۋعا تىرىسادى. سونىمەن قاتار جاقىنىنا دا كومەكتەسۋدەن ايانبايدى. مەشىن جىلى سارىشايان ەنەرگياسىنىڭ كوپتىگىمەن كەز كەلگەن قيىنشىلىقتارعا تويتارىس بەرىپ، قارسىلاسىن جەڭىپ تىنادى. وزىڭىزگە سەنىمدى بولىڭىز. ماقساتقا جەتۋ جوسپارىن قۇرىپ، اقىرىنداپ قادام باسا بەرىڭىز.

مەرگەن

(22 قاراشا – 21 جەلتوقسان)

مەشىن جىلى ءسىز ءۇشىن اسا ءساتتى بولماق. كەلەر جىلى ءسىزدىڭ كوڭىل-كۇيىڭىزگە جاقسى اسەر ەتەتىن سەبەپ مول بولادى. كىشىگىرىم كەدەرگىلەر ومىرىڭىزگە اسەرىن تيگىزبەيدى. بارلىق شارۋاڭىز جەڭىل ءارى جىلدام شەشىلەدى. مەرگەننىڭ باستى ارتىقشىلىعى – كوزدەگەن نىساناسىن قۇر جىبەرمەيتىندىگىندە. سوندىقتان دا مەشىن جىلى تەك بەلگىلى جوبالارعا اتسالىسىڭىز. كوز قىزىعارلىق كوپ ءىس-شارالارعا قاتىسقانشا، بولاشاققا پايداسى بار، ناتيجە بەرەتىن جوسپارلاردى ورىنداڭىز. سونداي-اق ءاردايىم وزگە سالا بويىنشا دا ءوزىڭىزدى جەتىلدىرۋدى ۇمىتپاڭىز.

تاۋەشكى

(22 جەلتوقسان – 20 قاڭتار)

2016 جىل – ناعىز ءسىزدىڭ جىلىڭىز. بويىڭىزداعى اسىپ-تاسىپ جاتقان كۇش-قۋاتىڭىزدى دۇرىس باعىتقا بۇرا بىلسەڭىز بولعانى، ساتتىلىك ءوزى-اق ەسىگىڭىزدەن سىعالايتىن بولادى. قايراتىڭىز كوپ بولاتىندىعى سونشالىق – ءوز كۇشىڭىزدى تەك قانا جۇمىسقا جۇمساپ قويماي، سۇيىكتى ىسىڭىزگە دە تولىققاندى ارناساڭىز بولادى. 2016 جىل سىزگە كۇش-قۋات قانا بەرىپ قويماي، جاعىمدى جاڭالىقتارىمەن دە قۋانتاتىن بولادى. مەشىن جىلى جاڭا باسپانا يەمدەنىپ نەمەسە جاڭا كولىك تىزگىندەپ قالۋىڭىز ابدەن مۇمكىن. ءسىز ءۇشىن وزگەلەر قىزعانىش پەن قۋانىش سەزىمىن سەزىنەتىن بولادى. ويتكەنى مەشىن جىلى ءسىز باقىت، شاتتىق، قۋانىش، كۇش پەن قايراتقا كەنەلەسىز.

سۋقۇيعىش

(21 قاڭتار – 19 اقپان)

ءسىز ءبىلىم مەن عىلىمنىڭ ادامىسىز. ال 2016 جىل ءدال وسى سالاداعى ازاماتتار ءۇشىن اسا تابىستى بولماق. قۇددى ءبىر سيقىرشىعا ۇقساپ باسىڭىزعا كەلگەن بارلىق تىڭ ويلاردى ىسكە اسىراتىن بولاسىز. ەڭ باستىسى، جالقاۋلىعىڭىز تارتىپ قالماسىن. ال ادامي قاتىناستارعا كەلگەندە ۇستامدىلىق پەن تۇسىنىستىك تانىتا بىلگەنىڭىز دۇرىس. ويتكەنى قىزبا مىنەزىڭىزدىڭ كەسىرىنەن ءبىراز جانمەن ارازداسىپ قالۋ ءقاۋپى بار. الايدا جايدارى مىنەز تانىتساڭىز، ول قيىندىقتى وپ-وڭاي ەڭسەرەتىن بولاسىز. جاڭا تانىستىق پەن جاڭا قاتىناستار كۇتىپ تۇر. الايدا ادام ءۇشىن ەڭ كەرەگى – تۇراقتىلىق ەكەنىن ەستەن شىعارماڭىز.

بالىقتار

(20 اقپان – 20 ناۋرىز)

سىزگە ساتتىلىك ۇنەمى سەرىك بولاتىنىن ءوزىڭىز جاقسى بىلەسىز. الايدا كەلەر جىلى اعىسقا قارسى كوپ جۇزبەگەنىڭىز ءجون. كەدەرگىلەردى جەڭۋ ءۇشىن اقىلدى ەمەس، پاراسات پەن تۇيسىكتى كوبىرەك قولدانىڭىز. جەكە ومىرىڭىزدە ۇلكەن وزگەرىس بولماق. بولاشاق جارىڭىز بولاتىن جاندى كەزدەستىرىپ قالۋىڭىز بەك مۇمكىن. الايدا قاتىنا­سىڭىزدى سۋىتىپ الماۋ ءۇشىن ۇنەمى تۇراقتىلىق تانىتىڭىز. جۇمىسىڭىز ءبىرقالىپتى دەڭگەيدە ءوربيتىن بولادى.