Jetpis jasqa kelemin be, kelmeımin be,

Bilmeımin,

Biletinim, áıteýir men tap ázirge ólmeımin.

Nursultan júr «Etemin – dep, – qazaq jerin qazaqsyz!»

Ejelgi jaý el bolmasyn qalaıynsha kórmeımin?!

Ata jaýym –

Ábjylandaı,

«Sol» eken ǵoı,

Kóz jetti!

Bolashaǵyn qazaǵymnyń qazaqtarǵa jerletti!

Bar álemniń quzǵyndaryn jerimizge qondyryp,

Shoqyǵanǵa – qazynamyz, ustaǵanǵa – jer ketti.

Áýel bastan jalańashtap, qazaqtyń keń dalasyn,

Torǵaıdaıyn tozdyrdy ǵoı,

Qazaǵymnyń balasyn!

Atameken jerimizdiń kindigine jarmasyp,

Salyp jatyr Aqmolada, mola ústine – molasyn...

Jigerlerin jigitterdiń jetesinen qaıyryp,

Týra joldan burań jolǵa salǵanynda taıdyryp –

On mıllıon qazaqtardyń «qontaıshysy» bir «qalmaq»,

Malsha órgizdi bir shybyqpen, bar qazaqty jaıdyryp.

Aıdahardyń aranyna arandatyp ultymdy,

Tuzdaı qurtyp jiberýdiń tapty amalyn utymdy.

Atar tańdy asyqtyryp, nemenege qulshyndyq?

Shyǵar degen kúnim meniń, shyqpaı jatyp, tutyldy.

Qulynymdy baýyzdaýǵa ajdaha eline aıdap,

Qyzdarym da qytaıǵa kúń bolmaq, sory qaınap.

Jeriń taıyp tabanyńnan,

Kók týyń jyǵylǵanda –

Qazaǵym-aý!

Qaı elge qańǵyrmaqsyń «Elim-aılap»?!

Qýanysh MUQTAI

28.05.16 jyl