Ajyrasý... Ótken zamandarda bul sózdi aıtýdyń ózi úreı týdyratyn, bir juptyń ajyrasqany qoǵamdyq másele sanalǵan. Al búginde ajyrasý qalypty jaǵdaıǵa aınalyp barady. Álem boıynsha nekelesken eki juptyń biri kóp uzamaı ajyrasyp jatady. Onyń sebebi de kóp: turmystyq jaǵdaı, túsinispeýshilik, qarjylyq qıyndyqtar, qoldaýdyń jetispeýshiligi – osylardyń saldarynan eki jastyń sezimi sónedi. Sabyrlyq tanytyp, bir sheshimige oılanyp kelýdiń ornyna, ajyrasýǵa bel baılaıdy. Eń soraqysy, sol ajyrasýdyń bir ushy balalaryna tıetinin olar oılap ta jatpaıdy. Anasy nemese ákesi... Osy ekeýiniń qaısysymen qalatynyn surap, jaýap berýin talap etip jatady. Bul ádis esi kirgen balaǵa qatysty. Al esi kire qoımaǵan sábıler kóbine anasymen qalyp jatady, ne bolmasa ata-ana arasynda balaǵa talasý prosesi júredi.

Átteń, ana men áke eskermeıtin bir másele bar. Munyń bári balanyń psıhologıasyna keri áserin tıgizbeı qoımaıdy. Bala ne anasymen, ne ákesimen turýdy qalamaıdy, ol tolyqqandy otbasynyń bolǵanyn ańsaıdy.

Áleýmettik jelide «ajyrasý» jaıynda áserli vıdeo taraldy. Vıdeodan ajyrasýdyń salmaǵy balaǵa túskenin baıqaımyz. Ony kez kelgen ata-ana baıqasa degen nıetpen Qamshy.kz aqparat agenttiginiń tilshisi vıdeomen bólisýdi jón kórdi.