Ortalyq komýnıkasıalar qyzmetinde «QazAvtoÓnerkásip» Qazaqstan avtomobıl salasy kásiporyndary odaǵy Respýblıkanyń avtoóndirýshileriniń 2017 jyldyń İ jartysyndaǵy jumys qorytyndylaryna arnalǵan baspasóz konferensıa ótti dep habarlaıdy Qamshy.kz aqparat agenttigi. Konferensıaǵa «KazAvtoProm» Qazaqstandyq avtomobıldi kásiporyndar odaǵy» ZTB basqarma tóraǵasy Oleg ALFÓROV qatysty.
Eseptik kezeńniń qorytyndylary boıynsha Qazaqstan aýmaǵynda jalpy quny 64,5 mlrd. teńgeniń 8 768 avtokólik quraly (júk tehnıkasy men avtobýs tehnıkasyn qosa alǵanda) óndirildi. Ónim kóleminiń zattaı kórinisi ótken jyldyń kórsetkishinen 3,6 ese asyp tústi. Jeńil avtokólikter óndirisi 7 779 birlikke jetip, 5,3 ese ulǵaıdy.
Avtobýs tehnıkasyn shyǵarý (313 birl.) 2017 jyldyń qańtar-maýsymy aılary qorytyndylary boıynsha bir jyl burynǵy kórsetkishten 4,4 ese ulǵaıdy. Júk avtokólikteri óndirisi (487 birl.) 32,1% qysqardy.
2017 jyldyń maýsym aıynyń nátıjeleri boıynsha avtokólikter shyǵarý 1818 birlikti (2016 jyldyń uqsas aıyna qatysty 2,5 ese ósken) qurady.
Otandyq avtozaýyttardyń ónim ótkerýi jyldyń basynan beri 7 748 birlikti qurady, bul ótken jyldyń máninen 57,5% joǵary. Qazavtoónerkásip kásiporyndarynyń naryqtyq úlesi ótken jyldyń uqsas kezeńindegi 21,8% salystyrǵanda 37% jetti. Bul rette maýsymda bul kórsetkish tarıhı maksımýmdy jańartyp, 46,9% qurady.
Eseptik kezeńniń qorytyndylary boıynsha 831 avtokólik (saladaǵy ótkerýdiń 10,7%) Qytaıǵa, Reseıge, Belarýsqa jáne Tájikstanǵa eksportqa jóneltildi. Eksporttyq jetkizilimderdiń kóshbasshysy Lada brendi bolyp tabylady. Oǵan 696 sheteldik satyp alýshy yqylas bildirdi. Qazaqstandyq avtoeksport qurylymyndaǵy Hyundai (júk komersıalyq tehnıkasynyń 69 birligi) jáne JAC markilerine (66 birlik) de qyzyǵýshylyq kórsetildi.
663 avtokólikti aǵymdaǵy jyldyń qańtar-maýsym aılary aralyǵynda jeńildikti avtonesıeler memlekettik baǵdarlamalaryna qatysýshylar satyp aldy. Olardyń úlesine jergilikti jerde qurastyrylǵan jeńi avtokólikter satylymdarynyń 8,6% tıesili.
Jergilikti jerde qurastyrylǵan avtokólikter segmentinde basym jaıǵasymdy «AZIA AVTO» AQ ıelenedi – satylǵan 5368 avtokólik nemese otandyq tehnıkanyń jıyntyq ótiminiń 69%. «SaryarqaAvtoÓnerkásip» JSHS 1570 birlikti (segmenttegi úlesi – 20%) jóneltti. Odan ári qaraı otandyq avtoóndirýshiler ónimderi ótiminiń reıtıńinde «KAMAZ-Injınırıng» AQ (222 birl.; 3%), «SemAZ» AQ (206 birl.; 3%), «AgromashHoldıng» AQ (200 birl; 3%) jáne «Hyundai Trans Auto» JSHS (182 birl.; 2%) ornalasqan.
2017 jyldyń bes aıynyń qorytyndylary boıynsha Qazaqstanda qurastyrylǵan jeńil avtokólikterdiń asa talap etilgen brendteriniń bestigin Lada (3849 birl.), KIA (962 birl.), Hyundai (687 birl.), Chevrolet (496 birl.) jáne JAC (347 birl.) qurady. Otandyq kásiporyndar usynatyn markiler tizimine sondaı-aq SsangYong (159 birl.), Peugeot (114 birl.), Skoda (107 birl.), Ravon (41 birl.) jáne Geely (25 birl.) endi.
Jergilikti jerde qurastyrylǵan jeńil avtokólikterdiń satylymdary reıtıńin Lada brendiniń modelderi bastady: Lada 4x4 (1949 birl.), Lada Granta (772 birl.) jáne Lada Largus (598 birl.). Qazaqstandyqtarda tanymal modelderdiń tizimin sondaı-aq Hyundai Tucson (290 birl.), JAC S3 (289 birl.), Hyundai Elantra (265 birl.), KIA Optima (261 birl.), Chevrolet Cruze (238 birl.), Lada Vesta (184 birl.), Lada Kalina (172 birl.), Lada XRAY (172 birl.) jáne KIA Cerato (172 birl.) tolyqtyrdy.
Sala kásiporyndarynyń respýblıka JİÓ-ne úlesi alty aıdyń qorytyndylary boıynsha 64,5 mlrd. teńgeni qurady (bir jyl burynǵy kórsetkishtiń +20,1%), bul farmasevtıkalyq, jeńil jáne qaǵaz ónerkásibiniń uqsas sandarynan edáýir artyq. Sala kásiporyndarynyń negizgi kapıtalyna ınvestısıalar 2017 jyldyń qańtar-maýsym aılary kezeńiniń qorytyndylary boıynsha bir jyl burynǵy 293,7 mln. teńgemen salystyrǵanda 3,4 mlrd. teńgeni qurady.
