"Astananyń" Chempıondar lıgasynyń pleı-off kezeńinde kimge qarsy oınaıtyny anyqtaldy, - dep habarlaıdy Qamshy.kz aqparat agenttigi Vesti.kz saıtyna silteme jasaı otyryp.

Jerebe tartý kezinde shotlandıalyq "Seltık" kelesi qarsylas bolatyny anyqtaldy. Komandalardyń alǵashqy oıyndary 15 jáne 16 tamyzda Glazgoda ótedi, al qarymta kezdesý bir aptadan keıin Astanada bolady.

"Astana" jáne "Seltık" munyń aldynda da Chempıondar lıgasynda bir-birine qarsylas bolǵanyn aıta keteıik. Ótken maýsymnyń ekinshi kezeńinde shotlandıalyq klýb "Astanadan" basym túsken edi. Glazgodaǵy esep 1:1 bolǵanymen, penaltı tebý kezinde shotlandıalyqtar alǵa shyqty.

Chempıondar lıgasynyń 2013/14 maýsymynda "Seltık" qaraǵandylyq "Shahterdi" utqan bolatyn (0:2, 3:0).

Aldaǵy "Astana" - "Seltık" oıynynyń jeńimpazy Chempıondar lıgasynyń kelesi kezeńine joldama alady. Al utylǵan komandanyń Eýropa lıgasynda óner kórsetý múmkindigi bar.