Qazaqstandyq boksshylar Qanat Islam men Nursultan Janaıbaev jattyqtyrýshylary Nelson Lopesommen Almatydan Astanaǵa keldi dep habarlaıdy Qamshy.kz  aqparat agenttigi Astana ákimdiginiń baspasóz qyzmetine silteme jasaı otyryp.

Bul jerde Qanat Islam 9 qyrkúıek kúni «Saryarqa» velotreginde ótetin kásibı boks keshine sońǵy daıyndyqtar ótkizedi. 

Keshtiń basty kezdesýi Qanat Islam men Brendon Kýk arasynda ótedi. Boksshylar 1-shi orta salmaq dárejesinde WBA Inter-Continental jáne WBO-NABO nusqasy boıynsha tıtýlyna judyryqtasady.

Astana áýejaıynda baspasóz otyrysynda Qanat Islam men onyń jattyqtyrýshysy Nelson Lopes jýrnalıserge Kýkpen kezdesýde ne kútip turǵanyn aıtty.

 - Biz Astanaǵa kelgenimizge qýanyshtymyz. Bir aı Almatyda daıyndaldyq, endi osy jerde shynyǵamyz. Bul kezdesý – úlken jaýapkershilik júkteıdi, sondyqtan biz barynsha daıyndalýymyz kerek. Menimen birge shtattan jattyqtyrýshy keldi. Sparrıng boıynsha seriktesterim jolǵa shyqty, erteń osynda keledi. Birge jattyǵýdy bastaımyz. Barlyǵy oıdaǵydaı. Brendon Kýk ta men sekildi bul kezdesýge daıyndyq ústinde. Men árdaıym óz qarsylasyńdy álsiz dep baǵalamaý kerektigin aıtyp júremin. Ár boksshynyń óz minezi bar. Kýkany jeńý úshin men odan kóbirek jattyǵýym kerek, - dedi Qanat Islam.