Belgili aqyn, kóptegen án óleńderiniń avtory Ibragım Isaev dúnıeden ozdy. Bul sýyt habar týraly jýrnalıs Qanyshaıym Baıdaýlet óziniń feısbýktegi paraqshasynda jazdy. Marqumnyń jaqyndary men týystaryna qaıǵyryp kóńil aıtamyz.

Ibragım Isaev - 1949 jyly 7 qańtarda Qyzylorda oblysyna qarasty Syrdarıa aýdanynyń Jetikól aýylynda  týǵan. Qazaq memlekettik ýnıversıtetiniń jýrnalısıka fakúltetin syrttaı oqyp bitirgen. Syrdarıa aýdandyq gazetinde ádebı qyzmetker, Qyzylorda oblystyq halyq tvorchestvosy úıinde nusqaýshy-metodıst, Qazaqstan Jazýshylar odaǵynyń kórkem ádebıetti nasıhattaý búrosynda tilshi-ádisker, «Ara» jýrnalynda feletonshy, «Jalyn» alma-nahynda redaktor, «Sahna-sena» jýrnalynda bas redaktor, «Saqshy — Na straje» gazetinde, «Araı» jýrnalynda bólim meńgerýshisi bolyp qyzmet istegen.

Óleńderi birqatar shetel tilderine aýdarylǵan. Kóptegen án mátinderiniń avtory. «Án-aǵa» atty án álbomy shyqqan.

Komı aqyny I.Kýratov, orys aqyny N.Rýbsov óleńderin qazaqsha sóıletken.

«Eńbekte úzdik shyqqany úshin» medalimen marapattalǵan.

Shyǵarmalary:

• Altyn syrǵa. Óleńder. A., «Jazýshy», 1974;
• Tań aldyndaǵy án. Óleńder men balladalar. A., «Jazýshy», 1976;
• Terbeledi qaıyńdar. Óleńder men ballada. A., «Jalyn», 1981;
• Janymnyń jaryǵy. Óleńder men ballada. A., «Jazýshy», 1983.