Ulttyq bank tóraǵasy Danıar Aqyshev úkimet otyrysynda "7-20-25" baǵdarlamasy aıasynda 7 prosenttik ıpotekanyń talaptaryn aıtty, dep habarlaıdy Qamshy.kz aqparat agenttigi.

Ulttyq bank tóraǵasynyń málimetinshe, qaryz alýshy tólemge qabiletti bolýy shart.

-Baǵdarlamaǵa resmı kirisi bar Qazaqstan azamaty qatysa alady. Onyń sharttary banktermen talqylanyp jatyr. Máselen, úıdiń quny - 7 mln teńge bolsa, aı saıynǵy tólem 50 myń teńge. Bul jumys isteıtin kóptegen qazaqstandyq úshin qolaıly. İri qalalar men aımaqtar boıynsha baspana baǵasyna dıferensıasıa jasalýy múmkin, - dedi Danıar Aqyshev.

Aıta keteıik, Nursultan Nazarbaev «7-20-25» baǵdarlamasyn tanystyryp, eńbek etýshi ár qazaqstandyq turǵyn úıdi jyldyq mólsherlemesi 7 paıyzdan aspaıtyn ósimmen ala alatynyn aıtqan bolatyn. Elbasy tanystyrǵan «7-20-25» baǵdarlamasynda qarapaıym halyqqa qoljetimdi baǵada úı alý máselesi qarastyrylǵan.