Sáýir aıynyń 2-6 aralyǵynda Radıoelektronıka jáne baılanys áskerı-ınjenerlik ınstıtýtynyń oqý-ornynda Táýelsiz Memleketter Dostastyǵyna qatysýshy memleketterdiń joǵarǵy bilim berý uıymdary kýrsanttarynyń arasynda matematıka páninen İV halyqaralyq olımpıadasy uıymdastyrylmaq.

İs-shara TMD qatysýshy memleketterdiń Qorǵanys mınıstrleri keńesiniń tóraǵasy – Reseı Federasıasynyń Qorǵanys mınıstri armıa generaly S.Shoıgý men  Qazaqstan Respýblıkasynyń Qorǵanys mınıstri general-polkovnık S.Jasuzaqovtyń tikeleı jetekshiligimen ótkiziledi.

Baıqaýdyń negizgi maqsaty; áskerı mamandardy sapaly túrde daıyndaý, kásibı deńgeıde yntalandyrý, ǵylymı jáne shyǵarmashylyq qabiletterin qalyptastyrý, oqytýshy-professorlar quramynyń kásibı deńgeıin kóterý, dáris berýdiń ádistemesin jetildirý jáne de joǵary áskerı oqý-oryndary arasynda sapaly báskelestik qurý bolyp tabylady.

Qorǵanys mekemeleri tarapynan, ofıserlik kadr mamandardy daıyndaýda joǵary kásibı deńgeıde kóńil aýdaryp, zıatkerlik saıystar arqyly halyqaralyq senimmen dostyq qarym-qatynasty nyǵaıtý jáne de ǵylymı-bilim salasynda tájirıbe almasý bolyp tabylady.

Olımpıadaǵa TMD elderinen 7 memlekettiń komandalary qatysady olar: Reseı, Belorýssıa, Qyrǵystan, Armenıa, Qazaqstan, Tájikistan jáne Ózbekistan.

Aýqymdy sharaǵa qazylyq etýge TMD qatysýshy memleketterden keletin komandalardyń jetekshileri jáne Qazaqstan Respýblıkasynyń Ulttyq ǵylym akademıasynyń beıindik ǵylymı-zertteý ınstıtýttarynyń qyzmetkerleri men azamattyq joǵary oqý-oryndarynyń profesorlyq-oqytýshylar quramy tartylmaq.