«Ekoservıs-S» JSHS tabıǵı resýrstar jáne tabıǵatty paıdalanýdy retteý basqarmasynyń tapsyrysy boıynsha Almaty qalasynyń qorshaǵan orta sapasynyń nysanaly kórsetkishterin tanystyrdy, dep habarlaıdy Qamshy.kz aqparat agenttigi. 

«Ekoservıs-S» JSHS-niń ǵylym jáne saraptamalyq zertteýler departamentiniń dırektory Natalá Iakovleva nysanaly ındıkatorlardy tanystyrý barysynda Almaty qalasynyń ekologıasyn zerdeleý boıynsha osyndaı aýqymdy jumystardyń sońǵy 10 jylda alǵash ret júrgizilgenin atap ótti.

Nátıjesinde qalanyń ekologıalyq jaǵdaıyn baǵalaýǵa keshendi tásil engizilgen. Atmosferalyq aýa, jer ústi jáne jer asty sýlary, ósimdik jamylǵysy, topyraq syndy barlyq salalarda taldaý júrgizilgen. Qaldyqtardy óńdeý júıesine de baǵa berildi. Aýa lastanýynyń aýmaqtyq erekshelikterin zertteý qolǵa alynyp, qorshaǵan orta jaǵdaıynyń táýelsiz monıtorıńi zertteý barysy taldandy.

«Eń basty problema atmosferalyq aýanyń lastanýy bolyp tur.  Biz Qazgıdromettiń 10 jylǵy derekterin taldadyq. Zertteý jumystary qala aınalasyna ǵana emes jaqyn mańdaǵy aýmaqtardy da qamtydy. Jalpy  aýanyń lastaný problemasy qalanyń barlyq aýmaǵynda tirkelse, 12-shi ýchaskedegi Raıymbek-Naýryzbaı batyr kósheleriniń aýmaǵynda aýanyń lastyǵy belgili shekten asyp ketken», - dedi Iakovleva.

«Monıtorıń nátıjesinde Aıgerim 2, Aqbulaq, Shańyraq 1, Shańyraq 5, Halyq Arena, Otenen batyr, Seıfýllın-Raıymbek, Bókeıhanov kósheleri lastanǵan aýmaq tizimine endi. Ótegen batyr aýylyna erekshe nazar aýdarý kerek, sebebi ol jaqta JES-3 ornalasqan» - dedi spıker.

«Sonymen qatar biz arnaıy qural satyp alyp, dalalyq zertteý jumystaryn júrgizdik. 4000-nan astam stasıonarlyq lastaý kózderiniń áserin taldadyq. 2014 jylǵa deıin sapasyz qaldyqtardyń shyǵarylýy kóp bolsa, keıingi jyldary bul kórsetkish tómendegen. Bul qala basshylyǵynyń, ekologıalyq qyzmettiń, qoǵamnyń ónerkásip oryndaryna arnaıy jasatqan zertteýleriniń nátıjesi. Biz kásiporyndar ornalasqan aımaqtarda aýa lastanýy joǵary bolady dep kútkenbiz», - dedi maman.