T. Eshenqulovtyń aıtýynsha, «Bolashaq» baǵdarlamasynyń 25 jyly ishinde 10 096 maman daıarlandy, onyń ishinde 5 myńnan astamy — magıstrler, 3 myńǵa jýyǵy — bakalavr, 300-den astamy — PhD doktorlary, aspıranttar men ınternder, sondaı-aq 1800-ge jýyǵy — taǵylymdamadan ótýshiler.
Túlekterdiń jalpy sanynyń 53%-i gýmanıtarlyq mamandyqtar boıynsha, 37,8% — ınjenerlik-tehnıkalyq, 7,4% — medısına jáne 1,8% — shyǵarmashylyq mamandyqtar boıynsha oqýlaryn támamdady. Túlekterdiń 40%-dan astamy ekonomıkanyń naqty sektorynda, 20% — bilim jáne ǵylym salasynda, 7%-dan astamy medısına jáne densaýlyq saqtaý salalarynda jumys isteıdi.
— Qazirgi tańda 1255 stıpendıat bilim alyp jatyr. Ekonomıkanyń naqty sektorynyń qajettilikterin eskere otyryp, 160 mamandyqty qamtıtyn 2018 jylǵa arnalǵan basymdyqty mamandyqtardyń tizimi jańartyldy, — dedi T. Eshenqulov.
Osy jyly stıpendıalardyń shekti sany anyqtaldy — 555 birlik. Qujattardy qabyldaý merzimi: 2018 jyldyń 9 naýryzynan 31 tamyzyna deıin. 2018 jylǵy 24 mamyrdaǵy Shetelde kadrlar daıarlaý jónindegi respýblıkalyq komısıa otyrysynyń nátıjesi boıynsha 67 úmitker «Bolashaq» stıpendıasyna ıe boldy. 2018 jyldyń 26 maýsymyndaǵy jaǵdaı boıynsha «Bolashaq» stıpendıasyna konkýrsqa qatysý úshin 381 adam ótinish bildirgen, onyń 222-i tirkelgen, 159-y usynylǵan qujattardyń tolyq emestigi nemese Úmitkerlerdi irikteý erejelerine sáıkes kelmeýi jáne basqa sebepter boıynsha qabyldanbady.
«Bolashaq» stıpendıasyna 20 jyl bolǵan sátten bastap baǵdarlamany iske asyrýǵa aıtarlyqtaı ózgerister engizildi.
Birinshiden, «6+6» (6 aı - elde, 6 – shetelde) formaty boıynsha til úırenýge daıarlaý jergiliktendirildi.
Ekinshi, IELTS 3.0 do 5.0 ı 5.5 boıynsha aǵylshyn tilin bilýge qatysty jeńildikti sanattarǵa qoıylatyn talapta arttyryldy. «mádenıet jáne BAQ qyzmetkerleri», «jalpy konkýrs», «doktorantýraǵa óz betimen túskender» tárizdi qosymsha jeńildikti sanattar engizildi (baǵdarlama aıasynda til úırenýge daıarlaýdy qarastyrady).
Úshinshi, dıplomnyń ortasha balyna qoıylatyn talaptar kúsheıtildi ( GPA 3,0-den 3,3 deıin).
Stıpendıattardy oqytý úshin JOO-lar tizimi ońtaılandyryldy: top -70 JOO álemdik jalpyýnıversıtettik reıtıńter boıynsha, top-20 JOO álemdik pándik reıtıńter boıynsha. 2018 jyly bul tizim ulttyq pándik reıtıńterine sáıkes AQSH, Ulybrıtanıa, Germanıa, Fransıa tárizdi álemdik bilim ındýstrıasynyń kóshbasshy ýnıversıtetterimen tolyqtyryldy.
Tórtinshi, stıpendıa taǵaıyndaý úshin úmitkerlerdi konkýrstyq irikteý prosedýrasyna ózgerister engizildi – konkýrs alty týrdan turady. Jasalǵan kelisimsharttar negizinde mindettemelerdi oryndaýdy qamtamasyz etý úshin kepildikter usyný mehanızmi engizildi.
Besinshi, óńirlik tepe-teńsizdikti azaıtý jáne óńirlerge kadrlyq rotasıany qamtamasyz etý úshin Astana jáne Almaty qalalarynda 5 jyldyń ornyna óńirlerde 3 jylmen «ortalyq-óńir» sulbasy boıynsha jumys isteý merzimin qysqartýmen eńbek ótili úshin saralanǵan tásil engizildi. Sonymen qatar, oblystyq, aýdandyq mańyzǵa ıe qalalardaǵy jáne oblystyń basqa da aýdandaryndaǵy bilim berý uıymdaryndaǵy ótili – 2 jyl. QR kvazımemlekettik sektor sýbektilerinde «memlekettik qyzmetker» sanatynyń túlekterine ótilge ruqsat etilgen. Ótilin óteý kezinde dekrettik demalysty eskerý boıynsha mehanızm engizildi.
Altynshy, tájirıbeden ótý úshin jańa qyzmetkerler sanattary engizildi: «ǵylymı qyzmetker», «Astana» halyqaralyq qarjy ortalyǵynyń qyzmetkerleri», «aqparattyq (kıber) qaýipsizdik salasynyń qyzmetkerleri».
Jetinshi, «magıstratýraǵa óz betimen túskender» sanaty úshin GPA qoıylatyn talaptar 3.3-den 3.0 deıin tómendetildi. Til úıretý kýrstarynan ótý kezeńinde tildi ıgerýin baqylaý mehanızmi engizildi.
Budan ózge, bilim jáne ǵylym vıse-mınıstri T. Eshenqulov baǵdarlamanyń tıimdiligin odan ári arttyrý úshin aldaǵy bes jyldyq kezeńge birqatar mańyzdy is-sharalar josparlanǵanyn málimdedi:
-
Konkýrstyq irikteýge qatysý úshin qolaıly jaǵdaılar jasaý maqsatynda óńirlik deńgeıde onlaın-testileý rásimderin engizý kózdelgen;
-
Úmitkerlerdi sapaly irikteý maqsatynda magıstratýraǵa úmitkerler úshin aǵylshyn tilin bilý talabyn IELTS 6.0-ǵa deıin jáne basqa barlyq kvota sanattary úshin joǵary bal jınaý josparlanýda. Tek «ınjenerlik-tehnıkalyq qyzmetkerler» sanatyna — IELTS 5.5.
-
Aǵylshyn tili deńgeıine qoıylatyn talaptardyń kúrdelenýine baılanysty 2025 jyldan bastap stıpendıa aıasyndaǵy barlyq kvota sanattaryn alyp tastaý josparda bar.
Pikir qaldyrý