Jabaıy jylqynyń qulynynyń tulyby 2018 jyly Iakýtıada tabyldy. Ol shamamen 42 myń jyl buryn ólgen dep habarlaıdy Qamshy.kz aqparat agenttigi TASS saıtyna silteme jasap.
Soltústik-SHyǵys federaldyq ýnıversıtetiniń ǵalymdary 42 myń jyl burynǵy qulyndy zertteý barysynda onyń júreginen suıyq qan taýyp alǵan. Zertteý nysanyna aınalǵan qulynnyń ishki aǵzalarynyń barlyǵy saqtalǵan. Tipti, ishki qan tamyrlary, bulshyq etteri qyzyl túsin joǵaltpapty. Terisiniń basy bóligindegi túgi de qaz-qalpynda. Osynsha ýaqytta tamasha jaǵdaıda saqtalǵan arheologıalyq tabys ǵalymdardy tań qaldyrýda.
Iakýtıanyń shyǵys bóligi ǵalymdardy tań qaldyrýdan jalyqqan emes. 2009 jyly 4,4 myń jyl buryn ómir súrgen úlken jylqynyń múrdesi jáne 8,2 myń jyl buryn ómir súrgen bızon buzaýynyń qaldyqtary tabylyp, arheolog ǵalymdarǵa úlken tabys bolǵan.
Álgi tabylǵan qulynnyń saqtalý deńgeıi keremet dep baǵalaýda ǵalymdar. Tulypty Soltústik-SHyǵys ýnıversıtetiniń Mamonttar murajaıyna berdi. Zertteý nátıjesinde qulynnyń týǵannan keıin eki apta shamasynda ólgeni anyqtalǵan. Ol balshyqqa qulap, ólgen boıda qatyp qalǵan. Onyń tamasha saqtalý sebebi de – osy.
"As qorytý múshelerinde laı men balshyq bar eken. Onyń bárin qulyn óler aldynda jutqan sekildi", - deıdi Mamonttar murajaıynyń dırektory Semen Grıgorev.
Birshama ýaqyt buryn murajaı qyzmetkerleri qulynnyń ishki aǵzalaryna muqıat tekserý júrgizgen. Sol kezde onyń júreginde suıyq qan saqtalǵany anyqtaldy. Sondaı-aq, zertteý nysanynyń quıryq-jaly, túgi qaz-qalpynda saqtalǵan.
"Tekserý nátıjesinde tabylǵan suıyq qan onyń qatyp saqtalǵanynyń arqasynda. Júrek tamyrlaryndaǵy suıyq qan 42 myń jyl boıy bir qalypty ustap turǵan. Bulshyq etter de ózderiniń tabıǵı qyzyl túsin joǵaltpaǵan. Biz bul arheologıalyq tabysty adamzat tarıhyndaǵy eń tamasha saqtalǵan dúnıe dep senimdi túrde aıta alamyz", - deıdi Grıgorev.
Osy ýaqytqa deıin Iakýtıa jerinen tabylǵan muzdyq dáýiriniń tabystarynyń bir-ekeýin aıtyp óttik joǵaryda. Sondaı-aq, bul mańnan túgi saqtalǵan mamaont qaldyǵy, 2017 jyldyń kúzinde arystan kúshiginiń mýmıasy tabylyp, ǵalymdardy tabysqa keneltken.
Aýdarǵan: Ádilet Mádenıet
