Jańa mınıstr Asqat Aımaǵambetov týraly Qamshy.kz aqparat agenttigi derekter usynady.

Jas mınıstr Asqat Aımaǵambetov 1982 jyly Qaraǵandy oblysynda dúnıege kelgen. Tarıhshy, tarıh pániniń muǵalimi mamandyǵy boıynsha 2003 jyly E.Bóketov atyndaǵy Qaraǵandy Memlekettik ýnıversıtetiniń tarıh fakúltetin bitirgen. 2006 jyly – Qaraǵandy «Bolashaq» aktýaldy bilim berý ınstıtýtynyń zań fakúltetin «quqyqtaný» mamandyǵy boıynsha aıaqtaǵan. Eýrazıa ulttyq ýnıversıtetinde «saıası ǵylymdar» mamandyǵynda bilim alǵan.

Eńbek joly:

Eńbek jolyn 2002 jyly E. Bóketov atyndaǵy Qaraǵandy Mmlekettik ýnıversıtetinen bastaǵan.

2004-2005 jyldary «Ańsar» jastar lıgasy» QB tóraǵasy bolǵan.

2005-2006 jyldary «MEDIA SP» JSHS dırektory qyzmetin atqarǵan.

2006-2012 jyldary – E. Bóketov atyndaǵy QarMÝ saıasattaný jáne áleýmettaný kafedrasynyń oqytýshysy, aǵa oqytýshysy, dosenti retinde qyzmet etken.

2012-2014 jyldary Nura aýdany ákiminiń áleýmettik máseleler jónindegi orynbasary qyzmetin atqardy.

2014 jylǵy aqpan aıynan bastap qazirgi kúnge deıin – Qaraǵandy oblysy bilim berý basqarmasynyń basshysy laýazymynda boldy.

2017 jyldan bastap QR Bilim jáne ǵylym mınıstrliginde vıse-mınıstr.

2019 jyldyń qańtar aıynan Qaraǵandy oblysy ákiminiń orynbasary.

2003-2012 jyldar aralyǵynda Qaraǵandy qalalyq máslıhatynyń III jáne  IV shaqyrylymdarynyń depýtaty, qala máslıhatynyń áleýmettik máseleler boıynsha turaqty komısıasynyń tóraǵasy bolyp saılanǵan.

Asqar Mamın mınıstrlikke jańa basshyny tanystyrý barysynda: "Bilim jáne ǵylym mınıstrligin jańa belester kútip tur. Bilim salasyn jańartyp, suranysqa ıe bilikti mamandardy daıyndap, bilim jáne ǵylym mınstrliginiń sapaly júıesin damytý kerek. Jańadan taǵaıyndalyp otyrǵan Asqat Aımaǵambetov bilim salasynda tájirıbesi bar, bilikti maman", - dep atap ótti.